1 iyun - Uşaqların Beynəlxalq Müdafiəsi Günündə bir qrup kinematoqrafçılardan ibarət heyət Bakıdakı 1 saylı Respublika Uşaq Psixonevroloji Mərkəzində yaşayan uşaqlara baş çəkiblər. APA-nın məlumatına görə, bayram günündə onlara hədiyyələr gətirən “Azərbaycanfilm” kinostudiyası, “Salnamə”, “Yaddaş”, “Mozalan”, “Dublyaj” studiyalarının və Dövlət Film Fondunun işçiləri körpələrin həyatı ilə tanış olublar.

Ədliyyə Nazirliyi Penitensiar Xidmətinin Tərbiyə müəssisəsində “Uşaqların Beynəlxalq Müdafiəsi günü” münasibətilə tədbir keçirilib. Penitensiar Xidmətin ictimaiyyətlə əlaqələr şöbəsindən APA-ya verilən məlumata görə, tədbir Ailə, Qadın və Uşaq Problemləri üzrə Dövlət Komitəsi ilə birgə təşkil olunub. Tədbirdə çıxış edən Penitensiar xidmətin rəis müavini Hüseyn Əlixanov cəza çəkənlərin cəmiyyətlə sosial əlaqələrinin möhkəmləndirilməsi, cəzadan azad olunduqdan sonra onların sosial adaptasiyasına zəmin yaradılması məqsədilə Penitensiar Xidmətin müxtəlif dövlət təşkilatları və ictimai qurumlarla birgə tədbirlər keçirdiyini qeyd edib. 

Bu gün 1 iyun - Uşaqların Beynəlxalq Müdafiəsi Günü münasibətilə Bakı şəhər 46 saylı Məktəbdənkənar Tərbiyə İşi Mərkəzində “Uşaqları yol qəzalarından qoruyaq” şüarı altında rəsm müsabiqəsi və bayram konserti keçirildi.

Dövlət Yol Polisi əməkdaşları, ictimaiyyət nümayəndələri və KİV-rin qatıldığı tədbirdə gənc istedadlar rəqs etdilər, mahnı oxudular, çəkdikləri rəsmləri qonaqlara nümayiş etdirdilər.

FOTOQALEREYA

Uşaqların Beynəlxalq Müdafiəsi Günü 1950-ci il iyunun 1-də BMT Baş Assambleyası tərəfindən təsis edilmişdir. Həmin gün keçirilən "Qadınların Beynəlxalq Konfransı"nda uşaq hüquqlarının təmin edilməsi ilə bağlı təkliflər səslənib qərar qəbul edildikdən sonra   1 iyun Uşaqların Beynəlxalq Müdafiəsi Günü kimi tarixə düşüb.

Dünyanın əksər ölkələrində olduğu kimi, bu gün Azərbaycanda da qeyd edilir. Uşaqlar Azərbaycanda əhalinin təxminən 30 faizini təşkil edir. Ölkəmizdə uşaq və yeniyetmə yaşında olan gənclərin təxminən 95 faizi təhsil alır. Onların böyük bir qismi pulsuz tibbi xidmətlə təmin olunub.

APA-nın xəbərinə görə, bunu Tələbə Qəbulu üzrə Dövlət Komissiyasının (TQDK) sədri Məleykə Abbaszadə bu gün keçirdiyi mətbuat konfransında deyib və bildirib ki, xəstəliyinə görə buraxılış imtahanlarından azad edilən şagirdlərin çoxluğu narahatlıq yaradır: “Mən istəməzdim bizim bu qədər xəstə uşağımız olsun. Gələcəkdə səhhəti ilə əlaqədar buraxılış imtahanlarından azad edilən şagirdlərin siyahısının formalaşmasına ciddi nəzarət ediləcək”.

Ailə, Qadın, Uşaq Problemləri üzrə Dövlət Komitəsi 1 İyun - Uşaqların Beynəlxalq Müdafiəsi Günü ilə bağlı tədbir keçirib. APA-nın məlumatına görə, tədbirdə çıxış edən komitə sərdi Hicran Hüseynova Azərbaycanda uşaq hüquqlarının müdafiəsi sahəsində görülən işlərdən danışıb. O bildirib ki, Azərbaycanda uşaqlarla bağlı dövlət proqramları qəbul edilir və bu sahədə güclü dövlət siyasəti həyata keçirilir.

Uşaqların müdafiəsinin hamı üçün vacib məsələ olduğunu deyən H. Hüseynova qeyd edib ki, valideynlərin məsuliyyətinin artırılması zəruridir: “Valideynin məsuliyyəti uşağı dünyaya gətirməklə bitmir, ona 18 yaşınadək tərbiyə vermək lazımdır. Elə problemlər var ki, valideyn tərəfindən zamanında ailə daxilində həll edilməlidir”.

Azərbaycanda 18 yaşadək uşaqlara da pasport veriləcək, pasportun verilmə müddəti isə 1 aydan 10 iş gününə endirilir 

Bu gün Milli Məclisin Hüquq siyasəti və dövlət quruculuğu Komitəsi ilə İqtisadi Siyasət Komitəsinin birgə iclası keçirilib. APA-nın məlumatına görə, iclasda bir sıra məsələlərlə yanaşı, “Ölkədən getmək, ölkəyə gəlmək və pasportlar haqqında” qanuna dəyişikliklər müzakirə edilib.