Əmək və əhalinin sosial müdafiəsi naziri Fizuli Ələkbərov və UNİCEF-in Azərbaycan nümayəndəliyinin rəhbəri Mark Herevardın iştirakı ilə Bakının Sabunçu rayon Əhalinin Sosial Müdafiəsi Mərkəzinin inzibati binasında Uşaq və Gənclərin Sosial Reabilitasiya Mərkəzi, Uşaq Hüquqları Klinikası və “Azərbaycan Uşaq Qaynar Xətt Xidməti”nin açılışı olub. Nazirliyin ictimaiyyətlə əlaqələr şöbəsindən APA-ya verilən məlumata görə, F. Ələkbərov bildirib ki, nazirlik sosial müdafiə, sosial xidmətlər sisteminin qurulmasında ixtisaslaşmış qeyri-hökumət təşkilatları ilə əməkdaşlığın genişləndirilməsinə önəm verir. O deyib ki, nazirlik sosial xidmətlər sahəsində prioritetləri müəyyən etsə də, bu sahədə ixtisaslaşmış QHT-lərdən təkliflər gözləyir.

Bakı Zooparkında ilk dəfə olaraq Emu dəvəquşusu balalayıb. Bu barədə APA-ya Bakı Zooparkının direktoru Azər Hüseynov bildirib. Onun sözlərinə görə, Avstraliya emusundan 2 baş bala alınıb. A. Hüseynov Zooparkdakı digər heyvan və quşların da nəsil artırdığını deyib. 

Xarici ölkələrin zooloji parkları ilə Bakı Zooparkı arasında həyata keçiriləcək mübadilələr barədə məlumat verən A. Hüseynov bildirib ki, bu yaxınlarda heyvanat bağına ilk dəfə olaraq alpako gətiriləcək. Onun sözlərinə görə, zooparka ağ kenquru və müxtəlif quşların gətirilməsi də planlaşdırılır: “Ağ kenquru Çexiya zooparkından gətiriləcək. Bu növ kenquruya hər zooparkda rast gəlinmir. Bu bizim heyvanat bağına gələn uşaqlar üçün çox maraqlı olacaq”. Zoopark direktoru Bakı Zooparkından isə xaricdəki zooparklara Sultan toyuğu, leş yeyən qartal, ağbaş çərkəz və digər heyvan və quşların veriləcəyini deyib.

Bakı. Sevil Zeynalqızı - APA. Bakıdakı 20 saylı məktəb-liseydə Distant Təhsil Mərkəzinin açılış mərasimi keçirilib. İKT İnformasiya Mərkəzindən APA-ya verilən məlumata görə, mərasimdə təhsil naziri Misir Mərdanov və təhsil sektorunun müxtəlif nümayəndələri iştirak edib. Məlumatda bildirilir ki, “2008-2012-ci illərdə Azərbaycan Respublikasında təhsil sisteminin informasiyalaşdırılması üzrə Dövlət Proqramı” çərçivəsində həyata keçirilən “Elektron Təlimləndirən Sistemlər” layihəsinin əsas komponentlərindən biri olan Distant Təhsil Mərkəzi xüsusi qayğıya ehtiyacı olan şagirdlərin distant tədris metodları vasitəsilə orta təhsilini təmin edir. Tədbir çərçivəsində www.mesafedenmekteb.edu.az internet portalının da təqdimatı keçirilib. 

Janr: Tarixi, Dram, Müharibə, Döyüş ..
Ölkə: Azərbaycan

Rejissor: Eldar Quliyev

Ssenari: Ənvər Məmmədxanlı
Operator: Rasim İsmayılov
Rəssam: Mayis Ağabəyov
Bəstəkar: Polad Bülbüloğlu
Səs operatoru: Akif Nuriyev
Montaj edən: Tamara Nərimanbəyova

Rollarda: Rasim Balayev (Babək), Həsənağa Turabov (Afşin), Amaliya Pənahova (Zərnisə), Tamara Yandiyeva (Pərvin), Şahmar Ələkbərov (Cavidan), Məmməd Verdiyev (Buğday), Hamid Azayev (Əzrək), Ənvər Həsənov (Tərxan), Hamlet Xanızadə (Xəlifə Mötəsim), Hacımurad Yegizarov (Xəlifə Məmun), Səməndər Rzayev (İbn Bəis), Hacı Xəlilov (İbn Boyat), Ramiz Məlikov (Səhl ibn Sumbat), Eldəniz Rəsulov (Azin), Muxtar Maniyev (İbn Muaz), Əliabbas Qədirov (Fəzl), Bahadur Əliyev (Divdad), Yaşar Məmmədov (Əbu İmran), Gündüz Abbasov (Pərvinin atası) və başqaları .. 

Büdcə: 1.650.000 rubl

Qısaca məlumat: Film Azərbaycan xalqının qəhrəman oğlu, görkəmli sərkərdə və siyasi xadim Babəkə ithaf olunmuşdur. Burada qəhrəmanın həyat yolu və fəaliyyəti öz əksini tapmışdır.

Maraqlı məlumat: Filmə quruluş vermək öncə kinorejissor Həsən Seyidbəyliyə həvalə edildi. Lakin burada iki ziddiyyətli variant görünür: 1)Böyük həvəslə tarixi bir əsərə quruluş verməyə hazırlaşan rejissor fotoproblardan, kinoproblardan, sınaq çəkilişlərindən sonra dərhal rol bölgüsü aparmağa başlayır. Bədii Şuranın təsdiqindən sonra filmin çəkilişi ərəfəsində məlum olmayan səbəblərlə bağlı Həsən Seyidbəyli sənət həyatında ilk dəfə olaraq qadağa ilə üzləşir. Qadağa isə ondan ibarət idi ki, "Babək" filminin çəkiliş prosesi ondan alınaraq kinorejissor Eldar Quliyevə tapşırılırdı…. 
Filmin çəkilişi ərəfəsində Həsən Seyidbəyli səhhəti ilə bağlı xəstəxana şəratində müalicə olunurmuş. Müalicə müddəti uzandıqca sağalacağına gümanı azalan Seyidbəyli, gözlənilmədən fikrini dəyişmiş və filmin quruluşçu rejissor işindən könüllü olaraq imtina etmişdir. 1980-ci ilin yayında isə o, dünyasını dəyişir…

Naxçıvanda gedən çəkilişlər üzüm yığımı vaxtına təsadüf edirdi. Belə bir vaxtda filmin kütləvi səhnələrində çəkilmək üçün aktyor gücü azlıq etdiyi üçün yerli əhali də çəkilişdə iştirak etməli idi. Bunun üçün isə Naxçıvan rəhbərliyinin yardımı vacib idi. Ancaq rəhbərlik üzüm yığımı ilə əlaqədar camaatı tam səfərbər edə bilmirdi. Belə bir məqamda Mərkəzi Komitənin 1-ci katibi Heydər Əliyev işə qarışır. O, Naxçıvan rəhbərliyinə tapşırıq verir ki, "Babək" filmi üçün lazım olan bütün şərait yaradılsın, hətta "eybi yox, Naxçıvan bu il üzümü az yığsa da olar" deməyi də unutmur. (Babək: Milli kinonun monumental filmi, Ekspress qəzeti, 03.07.2003, Ulduzə Qaraqızı).

Filmin Bəzz qalası çəkilişləri Naxçıvanla Culfa arasında olan məkanda çəkildi. Filmdə görünən o möhtəşəm Bəzz qalası taxtadan yaradıldı.

Çəkiliş vaxtı yalnız Azərbaycanda deyil, Gürcüstanda, Daşkənddə, Moskvada 16 fabrik film üçün 1500 dəstdən artıq paltar tikdi. Zavodların əksəriyyəti yaradıcı qrupa təmənnasız olaraq qılınc, qalxan və digər lazım olan silahları hazırlayaraq bağışlayırdı. Çəkilişlər Naxçıvanda gedirdi. Beş mindən artıq adam çəkilişlərdə iştirak edirdi. Moskvadan "Mosfilm"in "Kavaler polku"ndan 170 atlı gətirmişdilər.
Film 1-ci kateqoriya aldı.

"Babək"in bir il ərzində 35 milyon tamaşaçısı olub. Film 60-a yaxın ölkə tərəfindən alınıb.

Filmə Rusiya 650 min rubl, Azərbaycan isə 1 milyon rubl ayırmışdır.

“Azərbaycanda aliməktəblərə qəbul imtahanlarının günləri yenidən dəqiqləşdiriləcək”. APA-nın məlumatına görə, bunu Tələbə Qəbulu üzrə Dövlət Komissiyasının (TQDK) sədri Məleykə Abbaszadə bu gün keçirdiyi mətbuat konfransında deyib. Komissiya sədri bu il qəbul imtahanlarının tarixlərinin TQDK tərəfindən aprelin əvvəlində rəsmi olaraq elan edildiyini xatırladıb: “Bu tarixlər aprelin 19-da ölkə prezidentinin fərmanı ilə komissiyanın səlahiyyətləri genişlənməmişdən əvvəl açıqlandığından biz qəbul imtahanlarının tarixlərinin dəyişəcəyini elan etdik”.