Bu il Azərbaycan vətəndaşı olan 3 uşaq xarici ölkə vətəndaşlarına övladlığa verilib Bu barədə APA-ya Ailə, Qadın və Uşaq Problemləri üzrə Dövlət Komitəsinin Ölkələrarası övladlığa götürmə sektorunun müdiri Vəsilə Mövsümova bildirib. Onun sözlərinə görə, uşaqlardan biri Rusiyada yaşayan azərbaycanlıya, ikincisi ABŞ vətəndaşı olan türkə, sonuncusu isə İsveçrə vətəndaşına verilib.

V. Mövsümovanın sözlərinə görə, uşaqlardan ikisi anadangəlmə qüsurlu olub və ailələri onlardan imtina edib. Rusiyada yaşayan azərbaycanlı ailəsinə verilən uşaq isə həmin ailənin qohumunun uşağı olub.

Heydər Əliyevfondununtəşəbbüsü ilə Lənkərandaxeyriyyə aksiyası keçirilib. Fondun mətbuat xidmətindən Lent.az-a verilən məlumata görə, Lənkəran Rayon Mərkəzi Xəstəxanasında Heydər Əliyev Fondunun təşəbbüsü və təşkilatçılığı ilə aztəminatlı ailələrin uşaqları üçün xeyriyyə tədbiri - sünnət aksiyası təşkil olunub.

Xəstəxananın baş həkimi Ağabala Kəlbiyev bildirib ki, 100 uşağın qatıldığı tədbirdə tibbi əməliyyatlar xəstəxananın 7 həkim-cərrahı tərəfindən həyata keçirilib. Uşaqlar tam sağalanadək həkimlərin nəzarətində olacaqlar.

Qeyd edək ki, Fond tərəfindən keçirilən bu tədbir sayca dördüncü xeyriyyə aksiyasıdır.

“Bu gün uşaqlar böyüklər üçün yazılmış mahnıları daha çox tanıyır və ifa edir, nəticə etibarılə də mənasını dərk edə bilmədikləri mahnıların sədası altında böyüyürlər”. Bunu iyunun 6-da “ELS” Müstəqil Araşdırmalar Mərkəzinin rəhbəri İradə Yaqubova “Uşaq mahnıları: dünəni, bu günü, sabahı” mövzusunda keçirdiyi Dəyirmi masada bildirib.

Onun sözlərinə görə, zəngin uşaq mahnıları bazasına malik Azərbaycanda uşaqların mədəni formalaşmasına dövlət tərəfindən böyük diqqət göstərilsə də, rəhbərlik etdiyi Mərkəzin araşdırmaları müəyyən problemləri üzə çıxarmışdır. “Uzun illər ruhumuzu oxşayan musiqilər son zamanlar unudulmaqdadır”, - deyən İ.Yaqubovanın qənaətinə görə, problemin kökündə uşaq mahnılarına həm telekanallarda, həm də radioda efir vaxtının olduqca az ayrılması, disklərin buraxılmaması və s. amillər durur. 

FOTOQALEREYA

Tələbə Qəbulu Üzrə Dövlət Komissiyası (TQDK) iyunun 2-də keçirilmiş buraxılış imtahanlarının nəticələrini açıqlayıb.

TQDK-nın mətbuat xidmətindən APA-ya verilən məlumata görə, TQDK tərəfindən 2012-ci il iyunun 2-də Bakı şəhərinin orta ümumtəhsil müəssisələrinin Azərbaycan və rus bölmələrində, həmçinin Gəncə, Sumqayıt, Abşeron, Mingəçevir, Yevlax, Lənkəran, Quba, Qusar və Xaçmaz rayonlarının rus bölməsində təhsil alan XI və IX sinif şagirdləri üçün keçirilmiş buraxılış imtahanlarının nəticələri iyunun 5-də saat 14:20-dan etibarən TQDK-nın internet saytında yerləşdirilib.

“ELS” Müstəqil Araşdırmalar Mərkəzi iyunun 6-da “Caspian Plaza” Biznes mərkəzinin  konfrans zalında “Uşaq mahnıları: dünəni, bu günü, sabahı” mövzusunda Dəyirmi Masa keçirəcək.

Tədbirdə gənc nəslin mədəni-mənəvi və əxlaqi cəhətdən formalaşmasında vacib rol oynayan milli uşaq mahnıları ilə bağlı mövcud vəziyyətin monitorinqi, AR Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə ELS-in yaratdığı Uşaq İnternet Portalında ötən müddət ərzində görülən işlər, Portalın rus və ingilis versiyalarının yaradılması layihəsinin ilkin təqdimatı və həmin layihə çərçivəsində bəstəkar, uşaq mahnılarının yaradıcısı Ağabacı Rzayevanın 100 illik yubileyinin qeyd olunması və mövzu ilə bağlı təkliflər paketi təqdim olunacaqdır.

İyunun 1-də «Təmiz Şəhər» ASC «EkoSfera» Sosial-Ekoloji Mərkəzi ilə birgə İçərişəhərdə və Qala qəsəbəsində 1 iyun - Beynəlxalq Uşaqlar Gününə həsr olunmuş ekoloji tədbir keçirib. APA-nın məlumatına görə, tədbir İçərişəhər və Qala qəsəbəsində tullantıların çeşidlənməsi üzrə pilot layihələrin məlumatlandırma-təşviqat proqramı çərçivəsində reallaşdırılıb. Bu tədbirin keçirilməsində əsas məqsəd interaktiv oyunlar vasitəsilə İçərişəhər və Qalanın balaca sakinlərinin ətraf mühitin mühafizəsi, tullantılatın utilizasiyası, məişət tullantılarının çeşidlənməsi və təbii resurslara qənaət kimi mövzularda məlumatlılıq səviyyəsini artırmaq olub.

Tələbə Qəbulu üzrə Dövlət Komissiyası (TQDK) bu gün XI sinif üzrə Bakı şəhərində Azərbaycan və rus bölməsi, Gəncə, Sumqayıt, Abşeron, Mingəçevir, Yevlax, Lənkəran, Quba, Qusar və Xaçmaz rayonlarında isə rus bölməsi şagirdlərinin buraxılış imtahanlarını keçirir. TQDK-nın mətbuat xidmətindən APA-ya verilən xəbərə görə, orta ümumtəhsil müəssisələrinin XI siniflərində təhsil alan şagirdlərin buraxılış imtahanlarının keçirilməsi üçün Bakı şəhərində ümumilikdə 53 imtahan mərkəzi ayrılıb. 

Batumi şəhərindəki Azərbaycanın Baş Konsulluğunun qarşısında Naxçıvan Muxtar Respublikasına səfər edəcək asma xəstəliyindən əziyyət çəkən, valideyn himayəsindən məhrum olmuş və aztəminatlı ailələrin uşaqlarının təntənəli yolasalma mərasimi keçirilib. 
Konsulluqdan APA-ya veriləm məlumata görə, mərasimdə Acarıstan Muxtar Respublikası hökumətinin sədri Levan Varşalomidze, Acarıstan Muxtar Respublikasının Səhiyyə Naziri Temur Qabaidze, Nazir müavini Tamaz Karanadze və hökumət aparatının məsul işçiləri iştirak ediblər.