|
|
admin2
Avropa Birliyinin Azərbaycandakı nümayəndəliyi uşaqlar üçün rəsm müsabiqəsi keçirir
Avropa Birliyinin Azərbaycandakı nümayəndəliyi “Mənim Avropam” adlı uşaq rəsm müsabiqəsi keçirir. APA-nın xəbərinə görə, müsabiqə Avropa Günü münasibətilə təşkil olunub. Müsabiqədə 5 yaşından 14 yaşına qədər uşaqlar iştirak edə bilər. Rəsmlər mayın 8-nə qədər Bakı Müasir İncəsənət Qalereyasına təqdim olunmalıdır. Qaliblər iki yaş kateqoriyası (5-9, 10-14) üzrə seçiləcək.
“Bizim irsimiz” adlı konsert proqramı anşlaqla keçdi
Aprelin 21-də Heydər Əliyev Sarayında Ç.F.Mustafayev adına Uşaq və Gənclər Yaradıcılıq Mərkəzi tamaşaçıları qarşısında “Bizim irsimiz” adlı hesabat konserti ilə çıxış etdi. Anşlaqla keçən konsertdə məktəbdənkənar müəssisənin mahnı və rəqs kollektivləri, xalq çalğı alətləri ansamblı və bədii qiraət dərnəyinin üzvləri səhnədə istedadlarını nümayiş etdirdilər. Bayatılar, tapmacalar, yanıltmacılar kimi xalq yaradıcılığının incilərini səsləndirən gənc istedadlar hələ uzun müddət tamaşaçıların yaddaşlarından silinməyəcəklər.
Qeyd edək ki, 1970-ci ildə Nəsimi rayonu Pioner və Məktəblilər Evi kimi təsis edilmiş məktəbdənkənar müəssisə 1992-ci ildən Milli Qəhrəman, telereportyor Çingiz Mustafayev adını daşıyır.
“Zambaq”da balaca rəssamların sərgisi açılıb
Aprelin 20-də Qafqaz Azərbaycan-Türkiyə Özəl Gimnaziyasının “Zambaq” Uşaq Bağçasında uşaqların əl işlərindən ibarət sərgi açılıb. Lent.az-ın məlumatına görə, sərgidə balacaların çəkdikləri rəsmlər, əl işləri, fantaziyaları hesabına müəllimlərinin köməyi ilə hazırladıqları müxtəlif kompozisiyalar nümayiş olunub.
Sərgini balacaların valideynləri ilə yanaşı Azərbaycan-Türkiyə Özəl Liseyləri baş idarəsinin rəhbəri Məsut Kurnaz, Qafqaz Azərbaycan-Türkiyə Özəl Gimnaziyasının müdiri Sərhat Aktaş da izləyiblər. Müəssisənin rəhbəri Sərdar Çelik bildirib ki, onların bu tipli tədbirləri ənənə halını alıb: “Biz balacaların istedadlarını üzə çıxarmaq üçün mütəmadi olaraq belə sərgilər, musiqi gecələri, yarışmalar təşkil edirik. Böyüklərin belə tədbirlərdə iştirakı, onlara dəstək olması balacaları həvəsləndirir”.
İncəsənət Gimnaziyasının şagirdləri Cəfər Cabbarlının xatirəsini yad edəcəklər
Aprelin 23-də Milli Konservatoriyanın nəzdində fəaliyyət göstərən İncəsənət Gimnaziyasında Azərbaycan ədəbiyyatının görkəmli nümayəndəsi, müasir dramaturgiyamızın banisi Cəfər Cabbarlının 113 illiyinə həsr olunmuş ədəbi-bədii gecə keçiriləcək.
Məlumatı yayan AzərTac görkəmli dramaturqun xatirəsini yad etmək məqsədilə keçiriləcək tədbirdə İncəsənət Gimnaziyasının şagirdlərinin ədibin yaradıcılığından nümunələr səsləndirəcəklərini xəbər verir. Ədəbi-bədii gecədə ədəbiyyat və teatr xadimləri, musiqişünaslar və ictimaiyyət nümayəndələri iştirak edəcək.
İncəsənət Gimnaziyasında rəsm sərgisi keçirildi
Aprelin 20-də Milli Konservatoriyanın nəzdindəki Respublika İncəsənət Gimnaziyasının Təsviri və Tətbiqi Sənət Şöbəsi Azərbaycan xalqının ümummilli lideri Heydər Əliyevin anadan olmasının 89-cu ildönümünə həsr olunmuş rəsm sərgisi və geyim nümayişi təşkil etmişdir.
İncəsənət Gimnaziyasının akt zalında keçirilən tədbirdə Azərbaycanın incəsənət xadimləri, dövlət qurumlarının təmsilçiləri, xarici qonaqlar və KİV nümayəndələri iştirak etmişdir.
UNİSEFa-in Azərbaycan nümayəndəliyinin təşkilatçılığı ilə “Həyat üçün faydalı faktlar” kitabının təqdimatı keçirilib
UNİSEF-in Azərbaycan nümayəndəliyinin təşkilatçılığı ilə “Həyat üçün faydalı faktlar” kitabının təqdimatı keçirilib. APA-nın məlumatına görə, təqdimat mərasimində çıxış edən UNİSEF-in Azərbaycan nümayəndəliyinin rəhbəri Mark Herevard bildirib ki, hər il dünyada 9 milyon uşaq 1 yaşına çatmadan profilaktikası və müalicəsi mümkün olan xəstəliklərdən dünyasını dəyişir. Azərbaycanda hər gün 5-dən 10-dək uşaq vəfat edir, hər milyon uşağın dörddə biri anemiyadan əziyyət çəkir. “Həyat üçün faydalı faktlar” toplusu uşaqların həyatını müdafiə etmək, yaxşılaşdırmaq və xilas etmək üçün fərdləri biliklər ilə təmin edir”, - deyə M. Herevard bildirib.
Prezident Ilham Əliyev: “Biz sağlam həyat tərzini təbliğ edirik”
“Bizim televiziyaların, demək olar ki, hamısı indi mətbəxlə, yeməklərin bişirilməsi, hazırlanması ilə bağlı verilişlər təqdim edirlər. Birincisi onu demək istəyirəm ki, bu da xaricdən gələn bir meyildir. O ölkələrdə ki, evlərdə yemək bişirilmir, onlar üçün bəlkə bu, daha da aktualdır. Azərbaycanda evlərdə bişirilən yemək, indi istənilən restorandan daha da yaxşıdır, ləzzətlidir. Amma bu, bir dəbdir, bizə də gəlib çatıb. Mən etiraz etmirəm, olsun. Ancaq bir şərtlə ki, orada göstərilən reseptlər və yeməklərin bişirilmə qaydaları insanların sağlamlığına mənfi təsir göstərməsin. Mən o verilişlərə hərdənbir baxıram və bəzi hallarda çox ürək ağrısı ilə görürəm ki, indi yağın içində üzən yeməklər təbliğ edilir”.
“Biz zorakılığa yox deyirik!” mövzusunda tədbir keçirilib
Paytaxtın Səbail rayonundakı 132-134 saylı Təhsil Kompleksində Avropa Şurası tərəfindən “Uşaqlara qarşı zorakılıq” proqramı çərçivəsində “Biz zorakılığa yox deyirik!” mövzusunda tədbir keçirilib. APA-nın məlumatına görə, tədbirdə rayon rəhbərliyi, pedaqoji ictimaiyyətin nümayəndələri, millət vəkilləri, Avropa Şurası baş katibliyinin Azərbaycandakı xüsusi nümayəndəsi, UNİCEF-in Azərbaycandakı nümayəndəliyinin əməkdaşı, Bakı şəhər Baş Polis İdarəsinin təmsilçiləri, şagirdlər iştirak edib.
BAKI ŞƏHƏRİ 20 SAYLI YARADICILIQ MƏRKƏZİ
BAKI ŞƏHƏRİ 20 SAYLI YARADICILIQ MƏRKƏZİ
Bakı şəhəri üzrə Təhsil İdarəsinin tabeliyində
Ünvan: Bakı şəhəri, AZ 1003, 20-ci dairə, Səlyan şossesi, 10
Telefon: (012)581-23-79, (012)550-59-49, (050)337-42-53
1971-ci ildən fəaliyyət göstərən Yaradıcılıq Mərkəzinin dərnəkləri aşağıdakılardır:
- İntellekt (fizika)
- İntellekt (riyaziyyat)
- İntellekt (kimya)
- İntellekt (tarix-diyarşünaslıq)
- İntellkt (biologya)
- Gənc kompüterçilər (Dizayn və MS Office proqramları)
- Nağara
- Fortepiano
- Gənc rəssamlar
- Bədii tərcümə (ingilis dili)
- Nağıl və debat
- Bədii tikmə və biçmə
- Uşaq hüquqları
- Xalçaçılıq
- Sintezator
- Tar
- Qarmon
- Ədəbi-bədii tədbirlərin təşkili
- Bədii naxış
- Bədii qiraət
- Reproduktiv sağlamlıq
- Bədii dram yaradıcılığı
- Gənc aktyorlar
- Rəqs
- Şən və hazırcavablar
- Bədii toxuma
- Rəngkarlıq
- Qobilen
“ELS” Müstəqil Araşdırma Mərkəzi “Mən böyümüşəm” verilişinin qonağı oldu
Aprelin 15-də “ELS” Müstəqil Araşdırma Mərkəzinin rəhbəri İradə Yaqubova hər bazar “Space” telekanalının canlı efirində yayımlanan “Mən böyümüşəm” uşaq verilişinin qonağı olub. Ətraf mühitin təmizlənməsinə həsr olunmuş buraxılışda İ.Yaqubova uşaqlara ətraf mühitlə bağlı zəruri biliklər, təhlükəsizliklərini təmin edəcək məsləhətlər və mövzuyla bağlı ədəbiyyat oxumağı məsləhət verib.
Qeyd edək ki, hər bazar Space-in canlı efirində yayımlanan “Mən böyümüşəm” uşaq verilişində aktual mövzular müzakirə olunur.