|
|
UNİSEFa-in Azərbaycan nümayəndəliyinin təşkilatçılığı ilə “Həyat üçün faydalı faktlar” kitabının təqdimatı keçirilib
-
размер шрифта
уменьшить размер шрифта
увеличить размер шрифта
- Печать
- Эл. почта
UNİSEF-in Azərbaycan nümayəndəliyinin təşkilatçılığı ilə “Həyat üçün faydalı faktlar” kitabının təqdimatı keçirilib. APA-nın məlumatına görə, təqdimat mərasimində çıxış edən UNİSEF-in Azərbaycan nümayəndəliyinin rəhbəri Mark Herevard bildirib ki, hər il dünyada 9 milyon uşaq 1 yaşına çatmadan profilaktikası və müalicəsi mümkün olan xəstəliklərdən dünyasını dəyişir. Azərbaycanda hər gün 5-dən 10-dək uşaq vəfat edir, hər milyon uşağın dörddə biri anemiyadan əziyyət çəkir. “Həyat üçün faydalı faktlar” toplusu uşaqların həyatını müdafiə etmək, yaxşılaşdırmaq və xilas etmək üçün fərdləri biliklər ilə təmin edir”, - deyə M. Herevard bildirib.
M. Herevard deyib ki, uşaqların böyüməsində iştirak edən hər bir şəxs həyat üçün faydalı faktlardan yararlanmalıdır. Həyat üçün faydalı faktlar həyati əhəmiyyət kəsb edən ismarışları özündə əks etdirir. O deyib ki, hazırda 4-cü nəşri buraxılan toplu 1989-cu ildə ilk dəfə nəşr olunub.
“Həyat üçün faydalı faktlar” toplusu UNİSEF, ÜST, UNESCO, BMT-nin Əhali Fondu, BMT İnkişaf Proqramı və Dünya Bankı kimi təşkilatların müştərək qaydada hazırladığı nəşrdir.