Milli Məclisdə “Uşaqlara qarşı zorakılıq: səbəblər və onların aradan qaldırılması” mövzusunda beynəlxalq konfrans keçirilib. APA-nın məlumatına görə, tədbirdə Milli Məclisin rəhbərliyi, deputatlar, beynəlxalq təşkilatların Azərbaycandakı nümayəndələri, beynəlxalq ekspertlər, QHT rəhbərləri iştirak edib.

Milli Məclisin (MM) sədr müavini Bahar Muradova tədbirin əhəmiyyətindən danışaraq deyib ki, MM uşaqlara qarşı zorakılıq problemi ilə bağlı Avropa Şurası ilə əməkdaşlıq edir. O, Avropa Şurasının “Uşaqlara qarşı zorakılıq” proqramı çərçivəsində Azərbaycanda keçirilən tədbirlər haqqında da danışıb.

ABŞ-ın Azərbaycandakı səfirliyi və Kaunterpart İcma və Humanitar Yardım üzrə təşkilatı, Bakının Mərdəkan qəsəbəsində yerləşən, Kəlbəcər, Ağdam, Xocalı, Laçın rayonlarından olan aztəminatlı çoxuşaqlı məcburi köçkün ailələrindən olan 147 uşağın təhsil aldığı 14 saylı orta məktəbin təmir olunmuş sinif otaqlarını şagirdlərə təhvil verib. Səfirlikdən APA-ya verilən məlumata görə, bərpa layihəsi ABŞ Dövlət Departamentinin Avrasiya Humanitar Proqramı Fondu tərəfindən maliyyələşdirilib. Məlumata görə, ilk əvvəl məktəbin binası yay düşərgəsi məqsədləri üçün istifadə olunub. Məktəbin binası səkkiz otaqdan ibarətdir, otaqların dördü 1970-ci ildə tikilib. Digər beş otağın təmirə ehtiyacı olduğuna görə istifadəsi çətinlik törədib.

 DAUN SİNDROMLU ŞƏXSLƏRİN ASSOSİASİYASI

Ünvan:Bakı şəhəri,Ə.Rəcəbli küçəsi, 16, mənzil 5

Tel./Faks: (+99412) 564-55-74

Mob.: (+99455) 790-40-84
Veb-sayt: www.dsa.az

2002-ci ildən fəaliyyət göstərən Assosiasiyanın nəzdindəki kollektivlər:

-“Dəcəllər” teatrı

-Rəqs kollektivi,

-Əl işləri dərnəyi,

-Rəsm studiyası və digər dərnəklər

Aprelin 28-də Azərbaycan Dövlət Akademik Milli Dram Teatrında XXI Əsr Beynəlxalq Təhsil və İnnovasiya Mərkəzinin yaranmasının 10-cu ildönümü münasibətilə yubiley tədbiri keçirilib. APA-nın məlumatına görə, tədbirdə Mərkəzin rəhbərliyi, müəllimləri, burada təhsil alan şagirdlər və onların valideynləri, mərkəzin məzunları, Təhsil Nazirliyinin, müxtəlif ali məktəblərin nümayəndələri iştirak edib.

Təhsil Nazirliyi Aparatının rəhbəri İlham Pirməmmədov Mərkəzin kollektivini təbrik edib və nazir Misir Mərdanovun 28 aprel 2012-ci il tarixli sərəncamını oxuyub. Sərəncama əsasən, Mərkəzin bir qrup müəllimi fəxri fərman və qabaqcıl təhsil işçisi döş nişanı ilə təltif olunublar. Təltif edilənlər arasında Mərkəzin direktoru Vəfa Məmmədova da var. Daha sonra Mərkəzdə təhsil alan şagirdlər müxtəlif mahnılar səsləndirib, rəqslər ediblər. Tədbirdə Mərkəzin 10 illiyi münasibətilə hazırlanmış film və süjetlər də nümayiş etdirilib.

Bakının Xəzər rayonunun Şüvəlan qəsəbəsində Təhsil Nazirliyi tərəfindən tikilmiş ailə əsaslı kiçik qrup evi istifadəyə verilib. Nazirlikdən APA-ya verilən məlumata görə, kiçik qrup evi “Azərbaycan Respublikasında dövlət uşaq müəssisələrindən uşaqların ailələrə verilməsi (De-institusionalizasiya) və alternativ qayğı Dövlət Proqramı (2006-2015-ci illər)”nın icrası istiqamətində Təhsil Nazirliyi ilə “Hilfsverk Avstriya” beynəlxalq təşkilatı tərəfindən həyata keçirilən “Himayədar (foster) qayğı və ailə əsaslı xidmətlər üzrə modelin işlənib hazırlanması” layihəsi çərçivəsində yaradılıb. Kiçik qrup evinin yaradılmasında məqsəd övladlığa və ya himayədarlığa verilənədək uşağa ev şəraitində fərdi və inkişaf planında nəzərdə tutulmuş qaydada qayğı göstərməkdən ibarətdir.

Aprelin 28-də Bakı şəhər 46 saylı Məktəbdənkənar Tərbiyə İşi Mərkəzində Azərbaycan Yazıçılar Birliyinin üzvü, “Əməkdar mədəniyyət işçisi”, "İlin ən yaxşı uşaq kitabı", "Vətən", "Qızıl qələm", "Araz" və s. mükafatların laureatı, şair-publisist Rafiq Yusifoğlunun yaradıcılığına həsr olunmuş “Uşaq dünyası işığı” adlı ədəbi-bədii gecə keçirilib.

Valideynlər, müəllimlər və uşaqların iştirak etdiyi bu tədbirdə şairin həyat və yaradıcılığı haqqında ətraflı məlumat verildi, yazdığı şerlər və mahnılar məktəbdənkənar müəssisənin yetirmələrinin ifasında səsləndirildi. Uşaqlar müxtəlif suallarla şairə müraciət etdi və onun kitablarından ibarət sərgi ilə tanış oldular.

FOTOQALEREYA

Zərifə Əliyeva adına liseydə “Sağlam həyat” aksiyası silsiləsindən 2-ci tədbir keçiriləcək. APA-nın məlumatına görə, aprelin 28-də saat 11-də başlayacaq tədbir “Mərhəmətə gedən yol” adlanır. Uşaqlar çəkdikləri rəsmləri, fotoları, əl işlərini və digər əşyaları liseydə təşkil olunacaq yarmarkada satışa çıxaracaqlar. Satışdan yığılan pullar Suraxanı rayonu, Əmircan qəsəbəsi, Tahir Bağırov küçəsi, 4a ünvanında yaşayan, 4 yaşlı Əlibəbir Elsən oğlu Tahirlinin xaricdə əməliyyat olunmasına sərf ediləcək.

RusiyaFederasiyasınınYekaterinburq şəhərində “Yerbizim ümumievimizdir” adlı XIVBeynəlxalqUşaqMusiqiYaradıcılığı Festivalı keçirilib. FestivaldaAzərbaycanı Bakı şəhərVaqifMustafazadə adına 2 nömrəliUşaq İncəsənətMəktəbinin “Aysel” uşaqrəqskollektivitəmsiledib. Mədəniyyətvə TurizmNazirliyininmətbuatxidmətindənAPA-yaverilənməlumatagörə, 10 ölkənin (Rusiya, Azərbaycan, ABŞ, Avstriya, Polşa, Belarus, Litva, Monqolustan, Qazaxıstan, Qırğızıstan) təmsilolunduğuvə 1000 nəfərə yaxıniştirakçısı olanfestival çərçivəsində “xoreoqrafiya”, “xoroxuma” ,“instrumentalmusiqi” və “folklorsənəti” nominasiyaları üzrə müsabiqə keçirilib.

“ELS - Müstəqil Araşdırmalar Mərkəzi” İctimai Birliyi uşaq və yeniyetmələrin formalaşmasında televiziyanın geniş imkanlarından səmərəli istifadə etmək məqsədi ilə bir sıra təkliflərlə Prezident İlham Əliyevə müraciət göndərib.

Müraciətdə bu gün uşaq və yeniyetmələrin mədəni-mənəvi tərbiyələndirilməsinə, dünyagörüşünə, müəyyən maddi və mənəvi dəyərlərin formalaşmasına, cəmiyyətdə ünsiyyətqurma və davranış qaydalarının bir sistem kimi yaranmasına televiziyanın güclü təsir göstərdiyi bildirilir və son araşdırmalara görə  heç də qənaətbəxş olmayan bu sahənin dirçəlməsinin yalnız dövlət dəstəyindən asılı olduğu vurğulanır.

Ümumi təhsil məktəblərinin şagirdləri arasında 28 May - Respublika Günü münasibətilə vətənpərvərlik mövzusunda ifa üzrə respublika müsabiqəsi keçiriləcək. Təhsil Nazirliyindən APA-ya verilən məlumata görə, müsabiqənin məqsədi Azərbaycan bəstəkarlarının müstəqillik və qəhrəmanlıq mövzularında yazılmış əsərlərinin öyrənilməsi istiqamətində görülən işlərin səmərəliliyinin artırılmasına, istedadlı uşaqların ifaçılıq qabiliyyətinin inkişafına dəstək verməkdən ibarətdir.