1 iyun - Uşaqların Beynəlxalq Müdafiə Günü münasibətilə Vergilər Nazirliyinin təşəbbüsü və Tofiq İsmayılov adına Uşaq-Gənclər Yaradıcılıq Sarayının Rəsm Qalereyasının dəstəyi ilə «Vergilər uşaqların gözü ilə» adlı onuncu rəsm müsabiqəsi keçiriləcək. “APA-ECONOMICS”in  məlumatına görə, gənc nəslin vergi haqqında anlayış və biliklərini artırmaq, gələcəyin potensial vergi ödəyicilərinə vergi mədəniyyəti aşılamaq istiqamətində hər il təşkil olunan bu sərgilərdə məqsəd vergi haqqında biliklərin uşaqların başa düşə biləcəyi formada onlara çatdırılmasından ibarətdir.

Aprelin 10-da Heydər Əliyev Sarayında Nizami rayonu Uşaq Gənclər Yaradıcılıq Mərkəzinin hesabat konserti keçirildi.  Konsertdən əvvəl nümayiş olunan Mərkəzin fəaliyyəti haqqında filmdə uşaqların asudə vaxtlarının necə keçirdikləri, qazandıqları uğurlar və gündəlik fəaliyyətləri göstərildi.

FOTOQALEREYA

Uşaq verilişləri ilə bağlı ölkə teleməkanında müşahidə olunan vəziyyət heç də ürəkaçan deyil

Aprelin 11-də “Caspian Plaza” Biznes Mərkəzinin konfrans zalında “ELS” Müstəqil Araşdırmalar Mərkəzi “Azərbaycan efir məkanının gənc nəslin formalaşmasına təsiri: problemlər, risklər və həlli yolları” adlı dəyirmi masa keçirib. Tədbirdə, dövlət qurumları, ictimaiyyət və KİV təmsilçiləri ilə yanaşı İTV, LİDER, SPACE, ANS, Dünya TV-nin səlahiyyətli şəxsləri də iştirak edib. ELS-in rəhbəri İradə Yaqubova 2012-ci ilin 16 yanvar tarixindən başlayaraq bir ay müddətində ölkə efir məkanının uşaq və gənclər proqlamlarının monitorinqinin aparıldığını və bir il əvvəl, 2011-ci ilin yanvar-fevral ayında aparılmış araşdırmanın nəticələri ilə müqayisə olunduğunu bildirib. 

FOTOQALEREYA

“Qafqaz” Azərbaycan - Türkiyə Özəl Gimnaziyasında məktəbəqədər uşaqların “My lovely English” adlı proqramı təşkil olunub. Lent.az-ın verdiyi məlumata görə, tədbirdə uşaqlar ingilis dilində çıxışlar edib, mahnılar səsləndirib, maraqlı səhnəciklər və rəqslər nümayiş etdiriblər. Balacalar ingilis dilində səhnələşdirilmiş cizgi film qəhrəmanlarını da tamaşaçılara təqdim ediblər.

XORUZ

Musiqisi Oqtay Zülfüqarovundur

Sözləri Abdulla Şaiqindir

Oxuyur "Aysel" mahnı teatrı

Mahnını dinləmək

Oxuyur Diana Hacıyeva

Mahnını dinləmək

ALA BULA BOZ KEÇİ

Musiqisi Oqtay Zülfüqarovundur

Sözləri Abdulla Şaiqindir

Oxuyur "Aysel" mahnı teatrı

Mahnını dinləmək

Aprelin 10-da Heydər Əliyev Sarayında Nizami rayonu Uşaq Gənclər Yaradıcılıq Mərkəzinin konserti keçiriləcək. Bu barədə educult.az Uşaq Portalına sözügedən təşkilatın rəhbəri Lalə Qəti bildirib.

Onu sözlərinə görə, tədbirdə dərnəyin 1700 üzvündən 200-ü çıxış edəcək: “Hazırda konsert üçün davamlı məşqlər gedir. Bu, bizim hesabat xarakterli konsertimizdir”. Konsertdən əvvəl mərkəz haqqında filmin nümayiş etdiriləcəyini deyən Uşaq Gənclər Yaradıcılıq Mərkəzinin direktoru aprelin 10-da keçiriləcək “Bizim uşaq dünyamız” adlanan konsert proqramında “Azəri inciləri” mahnı və rəqs kollektivi, milli rəqs, bal rəqsləri qrupu, mahnı teatrı, vokal qrupu, uşaq teatr qrupu və gimnastlar qrupu, xalq çalğı alətləri ansamblı, nağaraçalanlar və sazçalanlar qrupunun səhnəyə çıxacağını vurğulayıb.

Qeyd edək ki, konsert saat 15-00-da başlayacaq. Artıq satışa çıxarılan biletlərin qiyməti 5-10 AZN-dir. 

İstanbulda “VI Gülən uşaqlar şənliyi” start götürüb. APA-nın Türkiyə müxbirinin xəbərinə görə, Türkiyə Onurğa-ilik ifliclilər dərnəyinin təşkil etdiyi, dünyanın bir çox ölkəsindən əlil, şikəst, lal-kar uşaq və yeniyetmənin qatıldığı şənliyə Azərbaycandan Əlillərin Beynəlxalq Əməkdaşlığı Uğrunda Cəmiyyətin “Əli uşaq və gənclərlə iş mərkəzi” adlı təşkilat da qatılıb.

Şənliyin açılış mərasimində iştirak edən “Əlil uşaq və gənclərlə iş mərkəzi”nin rəhbəri Esmiralda Rəhimova APA-ya açıqlamasında yaxın gələcəkdə beynəlxalq miqyaslı tədbirlərin Azərbaycanda da keçirilməsi üçün hazırlıqlar apardıqlarını deyib: “Bu işlərlə beynəlxalq səviyyədə məşğul olmağımız ölkəmizin dünyadakı humanist imicini daha da gücləndirəcək”.

Bu gün Quba şəhərində Quba və İsmayıllı rayonlarında “Səyyar reabilitasiya xidmətləri” layihəsinin icrasına həsr edilən müşavirə keçirilib. APA-nın bölgə müxbirinin verdiyi məlumata görə, tədbirdə iştirak edən əmək və əhalinin sosial müdafiəsi naziri Füzuli Ələkbərov bildirib ki, yaxın vaxtlarda Qubada yetkinlik yaşına çatmayan əlil uşaqlar üçün reabilitasiya mərkəzi və əlillər üçün bərpa mərkəzi yaradılacaq.

Bu gün Tofiq İsmayılov adına Uşaq Gənclər Yaradıcılıq Sarayının “Uşaq dünyası” rəsm qalereyasında “Ən çox sevdiyim idman növü” mövzusunda ümumtəhsil məktəblərinin şagirdləri arasında keçirilmiş respublika rəsm müsabiqəsi qaliblərinin mükafatlandırılması mərasimi keçirilib.

APA-nın məlumatına görə, tədbirdə çıxış edən təhsil nazirinin müavini Qulu Novruzov bildirib ki, müsabiqənin keçirilməsində əsas məqsəd uşaqlarda idmana sevgi oyatmaq, onlarda yaradıcılıq həvəsini artırmaqdır. Nazir müavini deyib ki, müsabiqə məktəb, rayon və respublika mərhələsi üzrə keçirilib: “Müsabiqənin respublika mərhələsinə 200-dən çox rəsm işi təqdim edilib. Qaliblər tanınmış rəssamlardan ibarət münsiflər heyəti tərəfindən seçim aparılaraq müəyyənləşdirilib”.