Azərbaycanda son dövrlərdə uşaqlara daha çox tarixi adlar qoyulur. Bunu Trend-ə Nazirlər Kabineti yanında Terminologiya Komissiyasının sədr müavini Sayalı Sadıqova deyib. Onun sözlərinə görə, son dövrlərdə uşaqlara daha çox qədim Orxan, Yenisey abidələrində, “Dədə-Qorqud”da, Mahmud Kaşğarlının divanında verilən adlardan istifadə edilir:

“Məsələn, bizə “Albas” adının qoyulması üçün müraciət etmişdilər. Türk mənşəli olan bu ad Qıpçaq hökmdarının adıdır, daha çox mübarizlik, qəhrəmanlıq mənasını ifadə edir. Son dövrdə bizə“Alpər”, “Beyrək” adının qoyulması üçün də müraciət edirlər. Belə adların yenidən qayıtması bizim milliliyimizi, kimliyimizi əks etdirir”.

S.Sadıqova deyib ki, yenidoğulan uşaqlara mürəkkəb adlar deyil, artıq sadə, lakonik adlar qoyulur.

Bu gün Azərbaycanın dövlət müstəqilliyini bərpa etməsindən 24 il ötür. APA-nın məlumatına görə, Azərbaycan Respublikasının Ali Soveti 1991-ci il oktyabrın 18-də keçirilən iclasında “Azərbaycan Respublikasının Dövlət müstəqilliyi haqqında” Konstitusiya Aktını qəbul edib.

Sənəddə bildirilir ki, Azərbaycan Respublikasının Ali Soveti Azərbaycan Milli Şurasının 1918-ci il mayın 28-də qəbul etdiyi İstiqlal Bəyannaməsinə, Azərbaycan Respublikasının demokratik prinsiplərinin və ənənələrinin varisliyinə əsaslanaraq və “Azərbaycan Respublikasının dövlət müstəqilliyinin bərpası haqqında” Azərbaycan Respublikası Ali Sovetinin 1991-ci il 30 avqust tarixli Bəyannaməsini rəhbər tutaraq bu Konstitusiya Aktını qəbul edir və müstəqil Azərbaycan Respublikasının dövlət quruluşunun, siyasi və iqtisadi quruluşunun əsaslarını təsis edir...

Azərbaycanda ilk dəfə olaraq, Əmək və Əhalinin Sosial Müdafiəsi Nazirliyi yanında baxımsız uşaqlar üçün sığınacaq müəssisəsi yaradılır. Bunu Trend-ə Ailə, Qadın və Uşaq Problemləri üzrə Dövlət Komitəsinin sədr müavini Aynur Sofiyeva deyib. O, hesab edir ki, bu müəssisə istifadəyə verildikdən sonra baxımsız uşaqlarla işləmək daha rahat olacaq, onların valideynlərini müəyyən məsuliyyətlərə cəlb etmək imkanları artacaq.

“Dildə nəyisə qadağan etmək mümkünsüzdür. Dil cəmiyyətin güzgüsüdür. Necə ki, cəmiyyətdə yaxşı və pis insanlar var, eləcə də dildə yaxşı və pis sözlər var. Son vaxtlar 10-cu sinif “Ana dili” dərsliyində Xalq yazıçısı İsmayıl Şıxlının “Dəli Kür” romanından bir parça müzakirə olunur. Sadəcə, romandan verilən ifadələr şagirdə həmin ifadələrin harada, necə və nə üçün işlədilməsini müəyyən etmək üçün təqdim olunur”. APA-nın xəbərinə görə, bunu Təhsil Nazirliyinin Tədris Resursları şöbəsinin müdir müavini Əsgər Quliyev bu gün orta məktəblərin “Ana dili” dərslikləri ilə bağlı keçirilən mətbuat konfransında deyib...

Yollarda “Diqqət uşaqlar” adlı hərəkətin təhlükəsizliyi aylığına start verilib. Bakı Şəhəri üzrə Təhsil İdarəsindən Axar.az-a verilən məlumata görə, Daxili İşlər Nazirliyinin 03 sentyabr 2015-ci il tarixli əmrinin icrasına başlanılıb.  Tədbirlər 10 sentyabrdan - 10 oktyabr tarixinə qədər keçiriləcək.  

Təhsil müəssisələrində pedaqoji işçilər, məktəblilər və onların valideynlərinin iştirakı ilə maarifləndirici söhbətlər edilir. Həmçinin, treninqlər, nümunəvi dərslər, izahat xarakterli diskussiyalar, viktorinalar, praktiki məşğələlər keçirilir. Videosujetlərə, filmlərə kütləvi baxışlar təşkil edilir. Görülən tədbirlərin davamı olaraq Bakı şəhər Dövlət Yol Polis İdarəsinin və Bakı Şəhəri üzrə Təhsil İdarəsinin əməkdaşlarının iştirakı ilə 46 nömrəli Məktəbdənkənar Tərbiyə İşi Mərkəzində tədbir təşkil olunub. Tədbirdə gənc polislərin nümunəvi çıxışları təşkil edilib, praktiki məşğələlər keçirilib.  

Azərbaycanda uşaqlara adların verilməsi ilə bağlı tətbiq olunacaq yeni qaydalarla bağlı lazımi tövsiyyələr Milli Elmlər Akademiyası tərəfindən Nazirlər Kabinetinə təqdim edilib və hazırda tövsiyyələr müzakirə olunur. Bunu Trend-ə Milli Məclisin Mədəniyyət komitəsinin sədri Nizami Cəfərov deyib.

Onun sözlərinə görə, tövsiyyələr ondan ibarətdir ki, iki-üç mərhələli mürəkkəb adların qoyulması məsləhət deyil, adların milli mənsubiyyəti olmalıdır:..