Axtarış


Tərəfdaşlarımız

sehrlidunya com

 

yazidergisi

 

Gunay ut

Arxiv

« February 2017 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Faydalı Linklər

merkezi-kitabxana

milli-kitabxana

C.Cabbarli-kitabxana2

Fkocerli

sebail-merkezlesdirilmish-kitabxana

M-Seyidzade-kitabxana

M-Ezizbeyov-kitabxana

A-Shaiq-kitabxana

 

Sabunchu mks

 

Suraxani mks

 

BIneqedi-mks

 

Qaradag mks

 

Xezer-MKS

 

Xetai mks

 

Nizami mks

 

Quba mks

 

Beyleqan MKS

 

Sumqayit merkezi kitabxana

 

Masalli mks

 

Absheron Qalereyasi

 

ART Studio

 

Qiz qalasi resm qalereyasi

 

logo 1

 

logo 6

 

Çərşənbə axşamı, 27 Dekabr 2011 16:23

YENİ İL

QAR

Mirmehdi Seyidzadə

 

Qara bax, qara,

Gör neçə yağır.

Çıxsan bayıra,

Məni də çağır.

 

Qalın geyinək,

Həyətə enək.

 

 

 

  

 

 

 

ŞAXTA ВABA

Xanımana Əlibəyli

 

Gəl bu xoşbəxt elimizi,

Təbrik elə, bir-birimizi,

Təzə gələn ilimizi

Şaxta baba, şaxta baba


Saçların ağ, saqqalın ağ,

Hansı evə getsən qonaq,

Hörmət edər hər bir uşaq

Şaxta baba, şaxta baba.






TƏZƏ İL

Xanımana Əlibəyl

 

Döşündə ağ qərənfil,

Xoş gəlmisən, təzə il.

Yolkamıza qar ələ.

Gəl oynayaq əl-ələ.


Sən gələndə, təzə il,

Ağ gül açır elə bil.

Yolkamıza qar ələ.

Gəl oynayaq əl-ələ.


Çöllərdə fırfıra tək

Hərlədir qarı külək.

Yolkamıza qar əb,

Gəl oynayaq əl-ələ.

 

ŞƏN YOLKA

Tofiq Mütəllibov

 

Geyinibsən al-əlvan,

Budaqların çıraqban.

Dövrə vurub qız-oğlan,

Nəğmə deyir şən yolka,


Sən nə gözəlsən, yolka!

Dildə gəzir sorağın,

Bəzənib hər budağın.

Şaxta baba qonağın


Olmuş sənin, şən yolka,

Sən nə gözəlsən, yolka!

Çölü, meşəni bəzə.

Düzləri gəzə-gəzə

Hər il qonaq gəl bizə,


Ürək açan şən yolka,

Sən nə gözəlsən yolka!





 

QIŞ

Tofiq Mütəllibov

 

Qonaq gəlir elə qış,

Soyumuşdur havalar.

Ağ geyinmiş hər tərəf,

Dayanmadan yağır qar.

 

Heç qorxmayır soyuqdan,

Geyinib isti paltar:

Qar topası oynayır

Çöldə qoçaq uşaqlar.

 

Süşələr buz bağlamış,

Şaxtanın gücünə bax!

Külək sovurur qarı

Divarlara çırparaq.

 

Taxıl, meyvə bol olar

Qar çox yağsa nə qədər,

Qışı da bahar kimi,

Xoşlayır bizim ellər.




 

KƏLƏM KİMİ

Ələmdar Quluzadə

 

Dolmanı bükmək üçün

Ana kəsdi kələmi,

Heyrət, maraq götürdü

Bizim kiçik Kərəmi.

 

Gülə-gülə söylədi: -  

Nə qədər paltarı var!

Əlbət qorxur ki, qarda

Şaxtada soyuqlayar...

 

Özü palto geymədən

Qaçıb getdi həyətə,

O, qar topu oynayıb

Xəstə yatdı bir həftə.

 

Haçan çöldə, bayırda

Su donur, qar görünür,

Kərəm çölə çıxanda

Kələm kimi geyinir.

 

 

 

QAR

Mirvarid Dilbazi

 

Qar örtdü bağça bağları,

Çiçəkli gülü dağları,

Qışın səfalı çağları

Yetişdi. Qəlbim oldu şən.

 

Səfalıdır bizim Vətən.

Nə xoş gəlib bu qış, bu qar

Qışın da başqa zövqü var.

Qar altda yatdı tarlalar

 

Düm ağ geyindi çöl, düzən.

Səfalıdır bizim Vətən.

Fərəhlidir bu eldə qış,

Baharda gur yağan yağış,

 

Açıb düm ağ örpəyi

A yurdumuz bəzən-bəzən,

İlin bütün fəsilləri

Səfalıdır bizim Vətən.

 

 

 

 

 

XİZƏK MAHNISI

Zeynal Cabbarzadə

 

Çöldə külək əsir, əsir

Soyuq qılınc kimi kəsir.

Quşlar uçur uzaqlara,

Bilinməyir uçur hara.

 

Aman, odur qar da yağır,

Necə düşür ağır - ağır...

Külək daha dayanmışdır,

İndi daha çöldə qışdır.

 

Dizə çıxır küçədə qar.

Xizək sürür şən uşaqlar.

Anam evdə olsa əgər,

Oynamağa izn verər.

 

Gəldi anam işdən evə,

Məni öpdü sevə - sevə.

Almış idi mənə xizək

Çölə qaçdım mən sevincək.

 

Ay uşaqlar, ay uşaqlar,

Bax, mənim də xizəyim var.

 

 

ŞAXTA ВABA XOŞ GƏLIB

Əhməd Cəmil

 

...Qopdu bayırda tufan,

Uğuldadı yel, boran.

Döyüldü pəncərə bərk,

Açdı qapını külək.

Yelləndi çil-çiraqlar,

Doldu evə soyuq qar...

Aha-aha deyəsən,

Şaxta babadır gələn!

Saç-saqqalı tamam ağ,

Başında qardan papaq.

Girdi evə bir qoca

Boyu çinardan uca.

Yapıncısı buz kimi.

Parlayır ulduz kimi.

Qotazlı, qar xurcunu,

Uşaqlar görcək bunu-

Alıb dövrəyə həmən,

Tutdular ətəyindən:

-   Şaxta baba!...

-   Şaxtacan!...

-   Haradasan bu vaxtacan?...



YOLKA BAYRAMI

Mirvahid Dilbazi

 

Yığılın gəlin

Uşaqlar hamı

Gəlin, şən keçsin

Yolka axşamı.


Tıq - tıq - tıq döyüb

Qapını birdən,

Qış baba baxır

Pəncərələrdən,


Ətəyi dolu

Əlvan kağızlar.

Onun içində

Gözəl şeylər var.


Pay gətiribdir

Qış baba sizə,

Deyir ki, tez ol,

Yolkanı bəzə!..


Eşiyə yağır

Quşbaşıtək qar,

Qış baba gəlib

Sizə payı var.


Budur açıldı

Qapı taybatay.

Qış baba dedi:

Aman ay- ay - ay,


Kənara durun

Ay uşaqlar siz.

Əzilib gedər

Yer - yemişiniz!


Qış baba evə

Bir nəzər saldı

Uşaqlar tezcə

Dövrəsin aldı.


Yolka yanında

Çökdü qış baba.

Yaşıl budaqlar

Bir - bir bəzəndi.

Xırda uşaqlar

Hamısı şəndi.

 YENİ İL

Zeynal Xəlil

 

Əsir qışın küləyi

Küçələrdə soyuq, qar,

Oynayırlar qar topu

Dəstə - dəstə uşaqlar.


Bağçalarda dəydikcə

Soyuq qışın sazağı,

Alma kimi qızarır

Körpələrin yanağı.


Böyük yolka qurulub

Meydançada bax yenə.

Nəğmə deyir uşaqlar

Gözəl qışa, Vətənə,


Yox, yox! Gəlin hələ siz

Bəzəklərə baxın bir,

Bu sayrışan işıqlar

Bir - birindən gözəldir!


Əlində böyük əsa,

Başında da qar papaq

Şaxta baba yenə də

Bizlərə gəlmiş qonaq,


Uşaqlarla o, yenə

Gözlərində məhəbbət

Bəzən də edir söhbət,

O, söyləyir: - Uşaqlar,


Oynayın qəşəng - qəşəng;

Sizin yeni iliniz

Görüm olsun mübarək!

Sevin dərsi, zəhməti,


Sadiq olun yoldaşa;

Sevin аnа Vətəni,

Ziynət verin hər daşa.

Daha gözəl olacaq

Xalqımızın həyatı!..



QIŞ

Məmməd Rahim

 

Qar bürüyüb dağları,

Bağçaları, bağları.

Donub çaylar, bulaqlar.

Buz bağlayıb budaqlar.

 

Qış belə dovran sürür.

Əllərilə öldürür

Zərərli böcəkləri.

Qışa pis deyənmi var?

 

Taxılı örtməsə qar

Bir qalın yorğan kimi,

Sünbüllər ümman kimi

Zəmidə dalğalanmaz.

 

Qış bizə nemət verir,

Dad verir, ləzzət verir.

Qar düşməsə çöllərə,

Qovuşmarıq güllərə.

 

Sevimli bahar olmaz,

Bağçalarda bar olmaz.

Qış bizə nemət verir,

Dad verir, ləzzət verir.

 

Oxunub 50286 dəfə