Bakı Uşaq Teatrının "Günay" Teatr-Studiyasının gənc istedadları Soçidə “Yaradıcı zirvə” adı altında keçirilmiş ХХ Beynəlxalq müsabiqə-festivaldan 5 mükafatla Vətənə dönüblər. Mükafatlar arasında teatr nominasiyası, bədii söz nominasiyası, ansambl xoreoqrafiyası, solo xoreoqrafiq nominasiya və “Ən yaxşı teatr geyimi” üçün diplom var.

Qeyd etmək lazımdır ki, müsabiqə Krasnodar rayonunun “Təhsil, Elm və Gənclər Siyasəti” Nazirliyinin Gənclər Siyasəti Departamentinin dəstəyilə keçirilmişdir. Festivalın münsiflər heyəti Rusiya Federasiyasının incəsənət xadimlərindən ibarət idi. Burada Rusiya, Azərbaycan və Özbəkistandan 18 kollektiv iştirak edirdi. 8-16 yaş arası 12 gənc Azərbaycan incəsənətini Rusiyada layiqincə təmsil edərək, Vətənə 5 mükafat la qayıtmışlar. 

FOTOQALEREYA

"ELS-Müstəqil Araşdırmalar Mərkəzi" İctimai Birliyi 2013-cü ildə “Yeni uşaq mahnıları-2013” uşaq mahnılarının yazılması müsabiqəsini keçirib. Peşəkar münsiflər heyəti 19 peşəkar və həvəskar bəstəkarın təqdim etdiyi 77 mahnıdan ən yaxşılarını qalib elan edib. Qalib mahnılar artıq uşaq bağçalarının repertuarlarında öz yerlərini tutub və körpələrimiz tərəfindən sevilərək oxunur.

Bu günədək qalib mahnılara saytımızın “Müsabiqələr” bölməsində qulaq asa bilərdiniz. İndi isə sizlərə müsabiqədə qalib elan olunmuş mahnıların həm audio yazılarını, həm də notlarını təqdim edirik.

Qulaq asın və qulaq asdırın! Notardan istifadə edin! Vətənimizin layiqli vətəndaşlarının formalaşmasına dəstək olun! 

İyun ayının 1-də Bakı Şəhər İcra Hakimiyyəti Yaşıl Teatrda  Uşaqları Beynəlxalq Müdafiə Gününə həsr edilmiş konsertlər silsiləsinə start verdi. Uşaq bağçaları və uşaq evlərinin yetirlmələri rəngarəng mahnı və rəqslərlərdən ibarət konsert göstərdilər. Konsert nəinki azyaşlı tamaşaçılar və onların valideynlərinə, həm də gənc ifaçıların özlərinəböyük sevinc bəxş etdi. 

Konsertin ərsəyə gətirənlər arasında onun quruluşçu-rejissoru "ELS-Müstəqil Araşdırmalar Mərkəzi" İctimai Birliyinin keçirdiyi “Yeni Uşaq Mahnıları-2013” müsabiqəsinin “Yeni nəsl” nominasiyasının qalibi Səbinə Ağaşirinova olmuşdur. Səbinənin yazdığı uşaq nagılları, təmsil və şerləri, onlara çəkdikləri şəkillərlər www.meneviservetimiz.az saytının “İlk qələmlər” bölməsində yerləşdirilmişdir. İllər uzunu bağça müəlliməsi işləyən və körpələrə böyük məhəbbətlə yanaşan, indi isə İncəsənət Universitetinin rejissorluq fakultəsinin tələbəsi olan Səbinə yenə də böyük həvəslə uşaq bayramının təşkilinə qatıldı və uğurlu bir nəticə əldə etdi. Təbrik edirik!  FOTOQALEREYA

İyun ayının 1-də Bakı Şəhər İcra Hakimiyyəti Yaşıl TeatrdaUşaqları Beynəlxalq Müdafiə Gününə həsr edilmiş konsertlər silsiləsinə start verdi. Konsertdə “Yeni Uşaq Mahnıları-2013” müsabiqəsinin qaliblərindən biri olan Gülzar İbrahimovanın sözlərinə Elşən Nicatın bəstələdiyi “Bağçamız” mahnısı da uşaqların ifasında böyük həvəslə səslənmiş və dinləyicilərin gurultulu alqışlarına layiq görülmüşdür. Qeyd edək ki, bu və müsabiqənin digər qalib mahnıları artıq bağçalarımızda populyarlaşıb və ifa olunurlar.

Mahnını yaradan Elşən Nicatı və Gülzar İbrahimovanı təbrik edirik!

  VİDEO

Sabahın gəlinlərini məhv etməyin

Mayın 11-də "ELS-Müstəqil Araşdırmalar Mərkəzi" İctimai Birliyinin sədri İradəYaqubova ANS telekanalının“Deməsək olmaz” verilişinin qonağı olmuşdur.İradə İsaqın apardığı verilişdə bu gün Azərbaycanda qadın diskriminasiyası, doğulan uşaqların cinslərinə görə yaranmış mövcud vəziyyət müzakirə olunmuşdur. Qonaq qismində verilişdə İradə Yaqubova ilə yanaşı AMEA-nın Fəlsəfə və Hüqüq İnstitutunun əməkdaşı Zeynəddin Şabanov, Tibb Universitetinin “Mamalıq və ginekologiya” kafedrasının professoru Şahbaz Şahbazov və psixoloq Lalə Əhmədova iştirak etmişlər. Canlı efir gərgin müzakirələr ilə yadda qalmışdır.

 VİDEO     

Dostlar, 2013-cü ildə ELS-Müstəqil Araşdırmalar Mərkəzi uşaq mahnıları sahəsində olan boşluğu doldurmaq məqsədilə "Yeni uşaq mahnıları-2013" müsabiqəsini keçirib. Müsabiqəyə 77 mahnı təqdim olunmuş, on mahnı isə peşəkar münsiflər heyəti tərəfindən qalib elan edilmişdi. Qalib mahnılar Gənc Tamaşaçılar Teatrında 19.12.2013 tarixində qala-konsertdə təqdim olunmuşdur. Qalib mahnılardan biri bugünkü bayramla həmahəngdir. Bu Səadət Fərziyevanın "Xoş gəlmisən, Novruzum!" mahnısıdır. Görüntülər qala-konsertdən bir parçadır. İfaçılar isə Nizami rayonunun Uşaq-Gənclər Yaradıcılıq Mərkəzinin "Azəri inciləri" kollektivinin solistləridir. Ümidvaram ki, mahnı bayram əhvalını yaradacaq. Hamınızın bayramı mübarək!

VİDEO