Bakı Uşaq Teatrının nəzdindəki “Günay” Uşaq Teatr-studiyası bu günlərdə Macarıstanda keçirilən Balaton-İncəsənət-Gənclik” 13-cü Beynəlxalq festival-müsabiqədən dönüb. Vətətnə mükafatlarla qayıdan gənc istedadlar Festivalda xoşagəlməz hadisə ilə üz-üz gəliblər. Teatrın bədii rəhbəri Larisa Tarusova səhnənin yaxınlığında ölkələrinin mədəniyyətini təbliğ edən Macarıstandakı milli azlıqların çadırlarının yerləşdiyini deyir.

Onun sözlərinə görə, çadırlardan biri ermənilərə məxsus idi. “Birdən orada Qarabağın bayrağının dalğalandığını gördük. Uşaqdan böyüyə bütün nümayəndə heyətimizin qəzəbini və şiddətini təsəvvür etmək çətin deyil”, - deyə L.Tarusova bildirdi. Onun sözlərinə görə, dərhal məsələni həll edən Festivalın Təşkilat Komitəsinə xüsusi minnətdarlıq düşür. Belə ki, Təşkilat Komitəsi erməni təmsilçilərini mövcud olmayan və heç kim tərəfindən tanınmayan “dövlətin” bayrağını çıxartmağa məcbur etdi. Bununla da məsələ öz həllini tapdı.  

Bakı Uşaq Teatrının nəzdindəki “Günay” Uşaq Teatr-studiyası bu günlərdə Macarıstanda keçirilən Balaton-İncəsənət-Gənclik” 13-cü Beynəlxalq festival-müsabiqədən Vətənə nə az, nə çox 3 Qran-pri mükafatı ilə dönüblər. Balatonfüred kurortunda təçkil olunan festivalın proqramına teatr, xoreoqrafiya, vokal və instrumental nominasiyalar daxil edilmişdir. Azərbaycanla yanaşı festivalda...

"Təhsil haqqında" Azərbaycan Respublikası Qanununa əsasən məktəbə qəbul 6 yaşdan başlanır. Eyni zamanda, dərs ilinin başlanmasına qədər 6 yaşı tamam olmamış xüsusi istedadı ilə seçilən uşaqlar valideynlərin arzusu ilə Təhsil Nazirliyinin müəyyən etdiyi qaydada vaxtından əvvəl məktəbə qəbul oluna bilərlər. Təhsil Nazirliyindən APA-ya verilən xəbərə görə, bununla nazirlik tərəfindən yeni qaydalar təsdiq edilib.

Bu qaydalara əsasən, vaxtından əvvəl I sinfə qəbul həmin il sentyabrın 16-dan dekabrın 31-dək 6 yaşı tamam olan xüsusi istedadlı uşaqlara şamil ediləcək. İstedadlı uşaqların seçim hüququ yerli təhsil şöbələrinə verilib və bu məqsədlə yüksək ixtisaslı və təcrübəli mütəxəssislərdən - ibtidai sinif müəllimi, həkim, psixoloq və metodistlərdən ibarət komissiyaların yaradılması nəzərdə tutulub. Komissiyaya yerli təhsil şöbələrinin müdirləri rəhbərlik edəcəklər.

ELS Müstəqil Araşdırmalar Mərkəzi
“Yeni uşaq mahnıları – 2013” Ümumrespublika müsabiqəsini
elan edir.

Azərbaycan Respublikasının Prezidenti yanında QHT-rə Dövlət Dəstəyi Şurasının maliyyə dəstəyi ilə həyata keçirilən müsabiqədə peşəkarlarla yanaşı, həvəskar bəstəkar və şairlər də iştirak edə bilər.

Müsabiqəyə təqdim olunan mahnılar uşaqların
gündəlik həyatını, vətənpərvərliyi, dostluğu və sair mənəvi keyfiyyətləri
əhatə etməlidir.

Təqdim olunan mahnılar müsabiqəyə qədər heç yerdə səslənməməlidir!

Mahnı not, audio yazı və yaxud canlı ifa şəklində təqdim oluna bilər.

Müsabiqənin qaliblərinin mükafatlandırlıması nəzərdə tutulmuşdur.

Qalib mahnılar müsabiqənin yekun konsertində səsləndiriləcək.

Mahnılar 2013-cü ilin 30 sentyabr tarixinə qədər
müsabiqənin təşkilat komitəsinə təqdim olunmalıdır.

Müsabiqəyə təqdim olunmuş materiallar geri qaytarılmır.

Əziz dostlar!

Övladlarımızın fiziki, əqli və mənəvi cəhətdən
inkişaf etməsini və layiqli vətəndaş kimi formalaşmasını istəyirsinizsə
müsabiqədə iştirak edin!

İyulun 2-də ELS-Müstəqil Araşdırmalar Mərkəzi Beynəlxalq Mətbuat Mərkəzində AR Prezidenti yanında QHT-lərə Dövlət Dəstəyi Şurasının maliyyə dəstəyi ilə iyunun 1-dən həyata keçirilən layihə çərçivəsində “Yeni uşaq mahnıları – 2013” Ümumrespublika Müsabiqəsinin təqdimatını keçirdi. Tədbirdə Mədəniyyət və Turizm Nazirliyi, Bəstəkarlar İttifaqı, Yazıçılar Birliyi, Ailə, Qadın və Uşaq Problemləri üzrə Dövlət Komitəsi və digər aidiyyətli rəsmi qurumların təmsilçiləri, görkəmli mədəniyyət və incəsənət xadimləri, yerli QHT-lər, beynəlxalq təşkilatlar və KİV nümayəndələri iştirak edirdi.

Uşaq mahnılarının gənc nəslin vətəndaş şüuru, dünyagörüşü, əxlaqi normalar və saf təfəkkürə malik olan cəmiyyət üzvü kimi formalaşması üçün mühüm olduğunu vurğulayan “ELS” Müstəqil Araşdırmalar Mərkəzinin rəhbəri İradə Yaqubova 3 ildən artıqdır ki gənc nəslin maarifləndirilməsi və problemlərinin araşdırılması istiqamətində keçirilən layihələr haqqında məlumat verdi. Onun sözlərinə görə 2011-ci ilin yanvar ayında ölkə üzrə aparılan rəy sorğusunun nəticələrindən məlum olmuşdur ki, uşaqların tərbiyyələndirilməsində və formalaşmasında zərurət təşkil edən uşaq mahnıları sahəsində mövcud vəziyyət heç də ürəkaçan deyil.

“ELS” Müstəqil Araşdırmalar Mərkəzi 02 iyul 2013-cü il tarixində saat 12:00-da Beynəlxalq Mətbuat Mərkəzində (ünvan: Mətbuat prospekti, 23) “Yeni uşaq mahnıları – 2013” Ümumrespublika Müsabiqəsinin təqdimatının keçirilməsini planlaşdırır. Azərbaycanın tarixində ilk dəfə keçiriləcək Müsabiqə Azərbaycan Respublikası Prezidenti yanında QHT-lərə Dövlət Dəstəyi Şurasının maliyyə dəstəyi ilə “Gənc nəslin mədəni-mənəvi inkişafının dəstəklənməsi” layihəsi çərçivəsində reallaşdırılır.