Oktyabrın 30-da Rusiyanın paytaxtı Moskvada Heydər Əliyev Fondunun təşkilatçılığı iləAzərbaycanın mütəfəkkir şairi İmadəddin Nəsiminin heykəlinin açılış mərasimi keçiriləcək. İmadəddin Nəsiminin abidəsi M. İ. Rudomino adına Ümumrusiya Dövlət Xarici Ədəbiyyat Kitabxanasının Atriumunda ucaldılıb. Məlumatı “Vestnik Kavkaza” yayıb.

Beynəlxalq Muğam Mərkəzində "Haqq mənəm, haqq məndədi" adlı bədii-musiqili gecə keçirilib. Trend Life xəbər verir ki, Muğam Mərkəzi və Azərbaycan Milli Elmlər Akademiyasının Folklor İnstitutu ilə birgə təşkilatçılığı ilə "Haqq mənəm, haqq mənliydi" adlı gecə böyük Azərbaycan şairi və mütəfəkkiri İmadəddin Nəsiminin 650 illik yubileyinə həsr olunmuşdur.

Görkəmli müğənni və bəstəkar, SSRİ Xalq artisti Müslüm Maqomayevin (1942-2008) vəfatından 11 il ötür. Bu münasibətlə oktyabrın 25-də I Fəxri xiyabanda dünyaşöhrətli musiqiçinin məzarı ziyarət olunub. Məlumatı Azərbaycan Respublikası Mədəniyyət Nazirliyinin rəsmi saytı yayıb.

Mərasimdə Azərbaycan Bəstəkarlar İttifaqının sədri, Xalq artisti Firəngiz Əlizadə, Rusiya Federasiyasının ölkəmizdəki səfirliyinin müşaviri Sergey Stepanov və tanınmış incəsənət xadimləri, ictimaiyyət nümayəndələri iştirak edib.

Emin və azərbaycanlı məşhurlardan “Azərbaycan-101” layihəsi

Xalq artisti Emin Ağalarovun prodüserliyi ilə lentə alınan “Azərbaycan” adlı mahnının klipi təqdim edilib. Mahnının sözləri Heydər Əliyev Fondunun vitse-prezidenti Leyla Əliyevaya, musiqisi Ruslan Ağababayevə məxsusdur. Azərbaycan Dövlət Akademik Filarmoniyasında çəkilən ekran işinin rejissorluğu Emin Muradova həvalə edilib.

Birinci vitse-prezident Mehriban Əliyevanın dahi şair İmadəddin Nəsiminin 650 illik yubileyi münasibətilə bir gündə respublikamızda 650 min ağacın əkilməsi təşəbbüsü çərçivəsində Şamaxı rayonunda 50 minədək ağac əkiləcək. Bu barədə Trend-ə Şamaxı Rayon İcra Hakimiyyətindən (RİH) məlumat verilib.

Trend-in Dövlət Statistika Komitəsinə istinadən verdiyi məlumata görə, 2019-cu ilin əvvəlindən etibarən Azərbaycan əhalisinin sayı 53,894 nəfər və ya 0,5 faiz artaraq 10 035 351 nəfər təşkil edib.

Ümumi əhalinin sayından 52,8%-i şəhər, 47,2%-i isə kənd sakinləridir. Onlardan 49,9%-i kişilər, 50,1%-i qadınlardır.

Əhalinin təbii artımı 53 597 nəfər olmuşdur.