Noyabrın 18-də noyabr Cəlil Məmmədquluzadənin ev-muzeyinin təmirdən və yeni tərtibatdan sonra açılışı olub. ONA-nın məlumatına görə, açılış mərasimində ölkənin rəsmiləri və incəsənət xadimləri ilə yanaşı Cəlil Məmmədquluzadə nəslinin davamçıları - nəticəsi Martin Cavanşiri və kötükcəsi Przemislav Cavanşiri də iştirak ediblər.

Bakı Şəhəri üzrə Təhsil İdarəsinin tabeliyindəki 21 nömrəli tam orta məktəbin VI sinif şagirdi Kənan Cəfərli 37 kiloqram çəki dərəcəsində kikboksinq idman növü üzrə Rusiyada keçirilən beynəlxalq yarışda bütün rəqibləri üzərində qələbə qazanaraq I yerə layiq görülüb. İdarədən Trend-ə verilən məlumata görə, final mərhələsində erməni idmançıya qalib gələn məktəbli qızıl medal və diplomla mükafatlandırılıb.

Bakının Nərimanov rayonundakı Məktəb Lisey Kompleksinin 5-ci sinif şagirdi Rəşad Mahmudov Şimali Makedoniyada keçirilən Karatenin şotokan növü üzrə Avropa çempionatından qızıl medalla qayıdıb. Bu il Dünya çempionatında və ötən il Batumidə erməni rəqibinə qalib gələrək qızıl medal qazanan Rəşad hər zaman uğurları ilə ölkəmizin bayrağını yüksəklərə qaldırıb.

Azərbaycandasonillərərzində uşaqlarınprofilaktikmüayinəsiaparılarkənonlardadaha çoxgörmə qabiliyyətininzəifləməsi, danışığındaqüsurunolması, onurğasütunundaskoliozunaşkarlanması ilə bağlı problemləraşkarlanır. Trend-in məlumatına görə, 2018-ci ildə Azərbaycanda 2 milyon 430 min 900 uşaq profilaktik müayinəyə cəlb edilib.

Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban Əliyeva oktyabrın 31-də Bakının Sabunçu rayonunun Pirşağı qəsəbəsindəki 10 saylı sanatoriya tipli internat məktəbində əsaslı təmirdən sonra yaradılan şəraitlə tanış olub.

Azərbaycan Respublikasının Mədəniyyət Nazirliyi, Azərbaycan Respublikasının Təhsil Nazirliyi, Azərbaycan Televiziya və Radio Verlişləri Qapalı Səhimdar Cəmiyyəti, Xətai Rayon İcra Hakimiyyəti, Azərbaycan Rəssamlar İttifaqı, Naxçıvan Rəssamlar Birliyinin dəstəyi, Azərbaycan Dövlət Rəsm Qalereyası və Xətai Sənət Mərkəzinin təşkilatçılığı ilə “Nəsimi ili” çərçivəsində ənənəvi “DOĞMA DİYAR” Respublika uşaq rəsm müsabiqəsi elan olunur.