ABŞ-ın Nyu-Meksika ştatının Senatı Xocalı soyqırımını rəsmən tanıyıb. APA-nın Senatın rəsmi saytına istinadən verdiyi xəbərə görə, Senatın qəbul etdiyi qətnamənin lehinə 35 senator səs verib. Azərbaycanda dinc əhalinin kütləvi qətlini tanıyan qətnamə senator Gerald Ortiz Pino tərəfindən ABŞ-ın Nyu-Meksika ştatının Senatına təqdim olunub.

Bu sənəddə Ermənistan və Azərbaycan arasındakı Dağlıq Qarabağ münaqişəsinin mahiyyəti barədə, 25-26 fevral 1992-ci ildə Ermənistan Silahlı Qüvvələri tərəfindən Xocalının işğal olunması və orada yaşayan uşaqlar, qadınlar, qocalar daxil olmaqla 600-dən çox dinc azərbaycanlının kütləvi qırğına məruz qalmasından bəhs edilir. Müəllif qeyd edib ki, “işğal əməliyyatından sonra Xocalıda eybəcər hala salınmış və şikəst olmuş insan meyitləri aşkarlanıb ki, bu da dinc əhaliyə edilmiş ən qeyri-insanı hərəkətdir”.

Azərbaycanda çoxuşaqlı ailələrə yaşayış sahələri pulsuz verilə və həmin ailələrə xüsusi müavinətlər ayrıla bilər. Milli Məclisdən APA-ya verilən məlumata görə, bu, yeni hazırlanan “Çoxuşaqlı ailələrə dövlət dəstəyi haqqında” qanun layihəsində nəzərdə tutulur. Layihə Milli Məclisə Ailə, Qadın və Uşaq Problemləri üzrə Dövlət Komitəsindən daxil olub, sənədlə bağlı QHT-lər tərəfindən əlavə təkliflər də var. Belə bir qanunun hazırlanmasına səbəb son 10 ildə çoxuşaqlı ailələrin sayının sürətlə azalması göstərilir.

Azərbaycan yanvar hadisələrinin 23-ü ildönümünü qeyd edir

1990-cı il yanvarın 20-də Ermənistanın Azərbaycana qarşı ərazi iddiaları və aqressiv hərəkətləri, həmçinin keçmiş SSRİ rəhbərliyinin onlara himayədarlığına qarşı xalq kütləsinin irimiqyaslı çıxışlarının qarşısını almaq məqsədilə sovet qoşunlarının hərbi hissələrinin Bakıya yeridilməsi misli görünməmiş faciəyə gətirib çıxardı.

Seminarda “ELS” Müstəqil Araşdırma Mərkəzinin əməkdaşları da iştirak edib

Yanvarın 18-də “Həyat” Beynəlxalq Humanitar Təşkilatı “Biz yol hərəkəti qaydalarını öyrənirik” mövzusunda təlim-seminar təşkil etmişdir. Dövlət Yol Polisinin əməkdaşları, ictimai təşkilatlar və məktəbdəndənkənar müəssisələrin nümayəndələri, məktəb müəllimlərinin iştirak etdikləri tədbirə “ELS” Müstəqil Araşdırmalar Mərkəzinin əməkdaşı Səbuhi Xudabaxışov da qatılmışdır.

FOTOQALEREYA

Azərbaycan Respublikasının Prezidenti İlham Əliyev şairə Məhsəti Gəncəvinin yaradıcılığının 900 illik yubileyinin keçirilməsi haqqında sərəncam imzalayıb. Sərəncamda deyilir ki, zəngin ənənələrə malik çoxəsrlik Azərbaycan poeziyasının tanınmış nümayəndəsi Məhsəti Gəncəvinin ədəbiyyatımız tarixində özünəməxsus yeri vardır.

Bu il Azərbaycanda övladlığa götürməyə nəzarət mexanizminin gücləndirilməsi müzakirə olunacaq. Milli Məclisdən APA-ya verilən məlumata görə, bununla bağlı Ailə Məcəlləsinə dəyişiklər gözlənilir.

Bu, bir sıra ictimai təşkilatların və ekspertlərin müraciəti əsasında bir qrup deputatın təklifi ilə müzakirəyə çıxarılır. Azərbaycanda uşaqları himayəyə, yaxud övladlığa götürmək istəyən ailələrin, xüsusilə də əcnəbi ailələrin getdikcə çoxalması dəyişikliyi zəruri edib. Layihənin bu il Milli Məclisdə müzakirəyə çıxarılması gözlənilir.