|
|
|
|
Bakı Dənizkənarı Bulvarın təşkilatçılığı ilə Bulvarda “Bahar Nağılı” adlı dörd günlük Novruz bayramı qeyd olunub.
Trend-in məlumatına görə, təşkilatı dəstək Azərbaycan Gənclər İttifaqı və "Jam Group"a məxsusdur. Tədbir 21 martdan - 24 marta qədər keçirilib.Tədbirə Jam Group komandası tərəfindən uşaqların əyləncəsi üçün Novruz Bayramının əsas simvollarından olan Bahar qızı, Animatorlar (ulduz və cizgi film personajları), Kukla teatrı tamaşası “Tık tık Xanım” və Səhnədə rus nağılları tamaşası göstərilib.
Bakıda “ZİMA” festivalına start verilib
Azərbaycanda “Zima” Beynəlxalq uşaq estrada mahnıları festivalında iştirak etmək üçün müraciətlərin qəbuluna başlanılıb. Məlumatı layihənin rəsmi Instagram səhifəsinə istinadən Trend Life yayıb.
“Zima” Beynəlxalq uşaq estrada mahnıları festivalının təşkilatçıları yeni, sayca üçüncü seçim turuna start veriblər. “Övladınız mahnı ifa edə bilirmi, səhnəyə çıxmağı xəyal edirmi? “Zima” uşaq musiqi festivalı sizə unikal şans verir ki, üçüncü mövsümdə iştirak etmək üçün ərizə göndərəsiniz” - deyə, festivalın səhifəsində qeyd olunub.
Bu gündən I sinfə şagird qəbuluna başlanılır
Bu gün 2019-2020-ci tədris ili üçün elektron sistem vasitəsilə dövlət ümumi təhsil müəssisələrinin I sinfinə şagird qəbuluna start verilib.
Trend-in məlumatına görə, təhsil nazirinin imzaladığı əmrə əsasən, 2019-2020-ci dərs ilində Bakı ilə yanaşı, Gəncə, Sumqayıt, Mingəçevir, Şirvan, Naftalan şəhərləri, Abşeron, Samux, Yevlax rayonları üzrə ümumi təhsil məktəblərində I sinfə şagird qəbulu elektron sistem vasitəsilə həyata keçiriləcək. Həmin rayonlarda yerləşən məcburi köçkün məktəblərinin I siniflərinə qəbul da elektron sistem vasitəsilə aparılacaq.
Azərbaycan amerikalı uşaqların gözü ilə
Martın 11-də Xətai Sənət Mərkəzində Təhsil Nazirliyinin 2 saylı Uşaq-Gənclər İnkişaf Mərkəzi və ABŞ-ın Nyu-York şəhərində fəaliyyət göstərən “My Way” Uşaq Mərkəzinin birgə təşkilatçılığı ilə “Yurdumuza bahar gəlir” adlı sərgisi keçirildi. Məlumatı “ELS” Müstəqil Araşdırmalar Mərkəzi yayıb.
İlham Əliyev Azərbaycan xanımlarını təbrik edib
Prezident İlham Əliyev 8 Mart - Beynəlxalq Qadınlar Günü münasibətilə Azərbaycan qadınlarına təbrik məktubu ünvanlayıb. Azərbaycan qadınlarını Beynəlxalq Qadınlar Günü münasibətilə səmimi qəlbdən təbrik edən dövlət başçısı zəngin mədəni-mənəvi irsimizin, ana dilimizin və adət-ənənələrimizin əsrlərdən bəri qorunub saxlanmasında Azərbaycan qadınlarının müstəsna xidmətini qeyd edib.
Builki Novruz şənlikləri yeni formatda təşkil olunacaq
Dövlət Turizm Agentliyinin və Azərbaycan Turizm Bürosunun dəstəyi, Bakı Turizm İnformasiya Mərkəzinin təşkilatçılığı ilə keçirilən builki Novruz şənlikləri yeni - festival formatında təşkil olunaraq 20 gün davam edəcək.