Valideynlərin çoxu uşaqların tez böyüməsi və onsuz da paltarlarını çirkləndirməsini əsas gətirərək  gəşəng və bahalı paltarlara pul xərcləməyin düzgün olmadığını hesab edirlər. Bu arada psixoloqlar valideynləri xəbədarlıq edirlər, ki, ucuz və yaraşıqsız geyim artıq gənc yaşlarından uşağın gələcək həyatına mənfi təsir göstərə bilər. Belə ki, təzə, keyfiyyətli və rahat geyim zövqün formalaşması ilə yanaşı uşağın xasiyyəti, təfəkkürü və bütövlükdə şəxsiyyətinin inkişafına təsir edir. Uşaqların zahiri görünüşünün ətrafdakılar tərəfindən müsbət qiymətləndirilməsi uşaqların şüurunda yüksək özünü qiymətləndirməni formalaşdır

Qohumların və valideynlərin dostlarının verdiyi bozarmış və dəbdən çıxmış paltarları geyinən uşaqlar müəyyən yaşdan sonra özlərini yaxşıı hiss etmir və hamıdan gizlənmək istəyirlər. Ətrafdakıların uşağa olan münasibəti də çox vaxt zahiri görünüşə görə formalaşır. Təhqiredici ləqəblər, etinasız münasibət, birgə oynamamaq istəyi də bir uşağın digərinin zahiri görünüşünün bəyənməməsi i səbəbindən baş verir. Və əksinə, keyfiyyətli və dəbdəbəli geyim maraq doğura, yeni dostlar qazandıra, yeni kollektivdə ilk tanışlığa səbəb ola bilər.