Heydər Əliyev Fondunun ABŞ nümayəndəliyinin təsis etdiyi növbəti tərəfdaşlıq əsasında “Uşaq ürəyini xilas et” (Save a Child’s Heart) adlı xeyriyyə təşkilatı ilə birgə layihənin həyata keçirilməsinə başlanması ilə əlaqədar Vaşinqtonda “Beynəlxalq Bnay Brit” (B'nai B'rith International) təşkilatının ofisində xüsusi tədbir təşkil olunub.

Azərbaycanın ABŞ-dakı səfirliyindən APA-ya verilən məlumata görə, “Uşaq ürəyini xilas et”  təşkilatının ABŞ nümayəndəliyinin icraçı direktoru Devid Lituak  təşkilatın əsas mərkəzinin İsraildə yerləşdiyini göstərib və Heydər Əliyev Fondu ilə əməkdaşlıq sayəsində Azərbaycanın təşkilatın işləyəcəyi sayca 49-cu ölkə olacağını bildirib. O, 1995-ci ildə təsis edilən bu təşkilata könüllü dəstək verən həkimlər tərəfindən 2 mindən artıq uşağın həyatının xilas edildiyini bəyan edib və Heydər Əliyev Fondu ilə qurulan tərəfdaşlıq nəticəsində bundan sonra ağır ürək çatışmazlığı ilə doğulmuş Azərbaycanlı uşaqların təşkilatın İsraildə fəaliyyət göstərən Uolfson Tibbi Mərkəzində (Wolfson Medical Center) əməliyyatı üçün imkan yaranacağını deyib. D.Lituak digər tərəfdən bu layihə çərçivəsində Azərbaycanlı mütəxəssislər üçün təlimlərin keçiriləcəyini  qeyd edib və ölkəmizdə müvafiq ixtisaslaşmış tibbi mərkəzin yaradılmasına dəstək verməyə hazır olduqlarını bəyan edib. 

Azərbaycan Dövlət Musiqili Komediya Teatrının nəzdində fəaliyyət göstərən Yaradıcılıq Studiyasının "Təbəssüm"  Uşaq Musiqili Teatrı martın 13-16-da Tiflisdə Gürcüstanın tanınmış rəqqası Vaxtanq Cabukianinin xatirəsinə həsr olunmuş festivalda Azərbaycanı təmsil edib. Gənc rəqqaslar “Ən yaxşı rəqs” nominasiyasında 1-ci yerə layiq görülüb və qızıl medalla təltif edilib.

“ELS” Araşdırmalar Mərkəzi beynəlxalq müsabiqələrin laureatı olan və hər zaman tamaşaçılarını yeni layihələrlə sevindirən “Təbəssüm” Uşaq Musiqili Teatrının üzvlərini təbrik edir və yeni yaradıcılıq uğurları arzulayır!

FOTOQALEREYA

Martın 11-də Təhsil Nazirliyinin Nizami rayon Uşaq-Gənclər Yaradıcılıq Mərkəzinin şagirdləri Novruz bayramına həsr olunmuş “Çərşənbələrimiz” adlı bayram konserti ilə tamaşaçıların qarşısına çıxdı. Tədbir vokal, rəqs və nağaraçılar qruplarının çıxışları, o cümlədən “Arşın mal alan“, “Şənlik  rəqsi“, “Qaytağı rəqsi”, “Bahar rəqsi”, “Özbək rəqsi“, “Məktəbli nəğməsi“, “Novruzum mahnısı“ və digər maraqlı ifalarla yadda qaldı.

Rəşid Behbudov adına Mahnı Teatrında keçirilən konsertdə “ELS” Müstəqil Araşdırmalar Mərkəzinin rəhbəri İradə Yaqubova da tədbir iştirakçılarını salamladı. Onun sözlərinə görə, hər bir dövlətin qüdrəti vətəndaşlarının şüuru və təfəkkürü ilə müəyyən olunur və bu baxımdan uşaqların formalaşmasında valideynlərlə yanaşı...

FOTOQALEREYA

Azərbaycanda ümumtəhsil məktəblərində şagirdlərin yaz tətili 8 gün (17-24 mart) müəyyənləşdirilib. Təhsil Nazirliyindən APA-ya verilən xəbərə görə, Nazirlər Kabinetinin qərarına müvafiq olaraq, Novruz bayramı ilə əlaqədar 20, 21, 22, 23, 24 mart iş günləri hesab edilmir: “Əmək Məcəlləsinin 105-ci maddəsinin beşinci hissəsinə əsasən, həftələrarası istirahət günləri və iş günü hesab olunmayan bayram günləri üst-üstə düşərsə, həmin istirahət günü bilavasitə bayram günündən sonrakı iş gününə keçirilir.

Daxili İşlər Nazirliyinin Baş Pasport, Qeydiyyat və Miqrasiya İdarəsindən verilən məlumata görə, 01.09.2013 cü il tarixindən valideynlərin xarici pasportlarına övladlarının adlarının yazılması və şəkillərinin əlavə edilməsi qaydası ləğv edilərək, uşaqlara ümumvətəndaş pasportlarının verilməsinə başlanılmışdır. Bunun üçün valideyn, ilk növbədə, yerli pasport qeydiyyatı şöbəsinə müraciət edib uşağa şəxsiyyət vəsiqəsi almalı, sonra uşağın valideynlərinin,və yaxud qanuni nümayəndələrinin etibarnaməsi əsasında Baş Pasport, Qeydiyyat və Miqrasiya İdarəsinə müraciət etməlidir.

2014-cü ilin fevral – may aylarında Qoleniou Mədəniyyət Evinin təşkilatçılığı və YUNESKO üzrə Polşa Milli Komissiyasının dəstəyi ilə XXIII Beynəlxalq “Rəng Sənəti” İncəsənət Festivalı keçiriləcəkdir. Mövzusu “Nağıl, əfsanə və rəvayətlər ölkəsində” olan festivalın keçirilməsində əsas məqsəd uşaq və gənclər arasında bütün növ bədii yaradıcılığın təşviq edilməsi, bu sahəyə marağın artırılmasıdır.