Bu gün Azərbaycanın ilk qadın-bəstəkarı, uşaq mahnılarının yaradıcısı Ağabacı Rzayevanın məşhur “Kukla” mahnısının əvəzsiz ifaçısı, hazırda Bakı Musiqi Kollecinin müəllimi, bəstəkar Zabitə xanım Məmmədovanın doğum günüdür. Gənc nəslin mükəmməl və hərtərəfli inkişafı, yüksək mənəvi və mədəni dəyərlərə malik şəxsiyyət və cəmiyyətimizin layiqli üzvü kimi formalaşmasına dair “ELS” Müstəqil Araşdırmalar Mərkəzinin uğurla həyata keçirdiyi layihələrində fəal iştirak edən Zabitə xanım hər zaman işgüzarlığı, təvazökarlığı, uşaq musiqisinin inkişafı sahəsində dönüş etmək arzusu ilə seçilir.

Gözəl musiqi əsərləri ilə gündəmdə qalan bəstəkarın fəaliyyətinin əsas xəttini uşaq mahnıları təşkil edir.  Zabitə Məmmədova “Rəssam olacağam mən” mahnısını ötən il ELS-ın həyata keçirdiyi “Yeni uşaq mahnıları-2013” Ümumrespublika Müsabiqəsinə təqdim etmiş və Münsiflər Heyətinin yekdil rəyi ilə 2-ci yerə layiq görülmüşdür. Yeri gəlmişkən, bütün qalib mahnıları meneviservetimiz.az saytında dinləyə bilərsiniz.

“ELS” Müstəqil Araşdırmalar Mərkəzinin kollektivi Zabitə xanımı doğum günü münasibətilə səmimi qəlbdən təbrik edir, möhkəm can sağlıqı, yaradıcılığında uğurlar, xoşbəxtlik arzulayır və görkəmli şair İlyas Tapdığın ona həsr etdiyi şeiri təqdim edir.

İlyas Tapdıq. Zabitə

Şamaxının gənc istedadları sentyabr ayında Bakıda keçiriləcək konsertə hazırlaşır

İyulun 10-da Şamaxıda millət vəkili Elxan Süleymanovun təşəbbüsü və dəstəyi ilə Şamaxı rayonunun gənc istedadlarının mahnı müsabiqəsinin finalçıları və onların musiqi müəllimləri ilə birgə görüş keçirilib. Görüşdə məşhur xanəndə, Azərbaycanın əməkdar müəllimi Qəzənfər Abbasovun iştirakçılar arasında keçirdiyi yeni dinləmələr zamanı müsabiqənin finalına vəsiqə qazanan 13 iştirakçının yekun konsertdə ifa edəcəkləri mahnılar müəyyənləşdirilib. 

FOTOQALEREYA

İyulun 8-də Beynəlxalq Mətbuat Mərkəzində aidiyyati dövlət strukturlarının təmsilçiləri, görkəmli mədəniyyət və incəsənət xadimləri, yerli QHT-lər və KİV nümayəndələrinin iştirakı ilə “ELS” Müstəqil Araşdırmalar Mərkəzinin 2014-cü il mayın 1-dən AR Prezidenti yanında Qeyri-Hökümət Təşkilatlarına Dövlət Dəstəyi Şurasının maliyyə yardımı ilə “Azərbaycanın mədəni irsinin qorunması və inkişafına dəstək” adlı layihəsinin təqdimatı keçirilmişdir. Təqdimat 

FOTOQALEREYA

Bu gün cəmiyyətdə haqlı olaraq uşaq ədəbiyyatına nə üçün marağın az olması sualına cavab axtarılır.Artıq 4 ilə yaxındır ki, “ELS” Müstəqil Araşdırmalar Mərkəzininhəyata keçırdiyi bütün layihələrində gənclərinvətəndaş cəmiyyətinin kamil və layiqli üzvləri kimi formalaşması məsələsi prioritet təşkil edir. Bu məsələdə mədəniyyət və incəsənətin rolunun  danılmaz olduğunu əsas götürən Mərkəzin apardığı araşdırmalar uşaqların mədəni inkişafına əhəmiyyətli dərəcədə təsir göstərən musiqi əsərləri, ölkə telekanallarında yayımlanan uşaq verilişləri, habelə bilik mənbəyi olan, dünyagörüşünü genişləndirən, söz ehtiyatını artıran və sair imkanlara malik kitab mütaliəsi sahəsində vəziyyətin ürəkaçan olmadığını üzə çıxarmışdır. “ELS” Müstəqil Araşdırmalar Mərkəzinin rəhbəri İradə Yaqubova digər mütəxəssislərlə yanaşı “Kaspi” qəzetinə verdiyi açıqlamasında  məsələyəaydınlıq gətirməyə çalışıb. Məqaləni olduğu kimi təqdim edirik: www.kaspi.az

Bu gün Tələbə Qəbulu üzrə Dövlət Komissiyası (TQDK) 9 və 11-ci siniflərində təhsil alan şagirdlər üçün mərkəzləşdirilmiş qaydada növbəti buraxılış imtahanları keçirir. TQDK-nın mətbuat xidmətindən APA-ya verilən xəbərə görə, Ağcabədi, Ağdam, Bərdə, Tərtər, Zərdab, Göyçay, Ucar, Kürdəmir, Ağdaş, Yevlax, Ağsu, İsmayıllı, Şamaxı, Qobustan, Quba, Şabran, Qusar, Xaçmaz, Xızı və Siyəzən rayonlarının orta ümumtəhsil müəssisələrinin məzunlarının imtahanlarının keçirilməsi üçün 56 imtahan mərkəzi ayrılıb.

İyunun 15-də Rəşid Behbudov adına Mahnı Teatrında Bakı Uşaq Teatrının “Günay” Studiyası iki hissədən ibarət rəngarəng tamaşası ilə 11-ci teatr sezonunu başa çatdırdı. Birinci hissədə “Günay” Teatr-Studiyası vokal və xoreoqrafik nömrələrdən, səhnələşdirilmiş parçalar və ədəbi-musiqili kompozisiyalardan ibarət rəngarəng konsert proqramını təqdim etdi. Payızda premyerası olacaq “Arşın mal alan” tamaşasından parça da göstərildi.Birinci hissənin sonunda İqor Ştofenmaxer Mansur Vəkilovun “Azərbaycan” şeyrini səsləndirdi. Sonra uşaqlar tamaşaçıların gürultulu alqışları ilə “Yallı” rəqsini ifa etdilər və Müslüm Maqomayevin “Azərbaycan” mahnısı və dalğalanan dövlət bayrağımızın fonunda azsaylı xalqların milli geyimlərində 1-ci hissəni başa vurdular. 

FOTOQALEREYA