|
|
“Bank of Baku” uşaqlar üçün rəsm müsabiqəsi elan edib
-
размер шрифта
уменьшить размер шрифта
увеличить размер шрифта
- Печать
- Эл. почта
Azərbaycanın “Bank of Baku” ASC uşaqların yaradıcılıq potensialını həvəsləndirmək məqsədilə http://www.facebook.com/bankofbaku korporativ sosial şəbəkəsində rəsm müsabiqəsinə start verir. Bankdan “APA_Economics”ə verilən məlumata görə, “Mənin bankım” adlı rəsm müsabiqəsinə 8-12 yaş arası uşaqlar iştirak etməyə dəvət olunur.
Rəsmdə uşaqlar “Bank of Baku”nu necə təsəvvür etdiklərini əks etdirməlidirlər. Rəsmlərdə bankın inzibati binası, işçiləri, müştərilər, habelə bankomat və ya ödəniş terminalları ilə həyata keçirilən müxtəlif maliyyə əməliyyatları təsvir edilə bilər. Valideynlər övladlarına bankın nə kimi maliyyə təsisatı olduğunu ətraflı izah etməkdə sərbəstdir. Aparılacaq səsvermə nəticəsində ən çox “Like” toplamış 10 rəsm əsərindən bankın münsiflər heyəti 3 qalibi müəyyən edəcək. 1-ci yerin qalibi 500 manat, ikinci yerin qalibi 300 manat, üçüncü yerin qalibi isə 200 manat qazanacaq. Bu qaliblərdən başqa, göndərilmiş rəsmlər arasından bankın münsiflər heyətinin simpatiyasını qazanmış bir rəsm müəllifi 600 manat əldə edəcək.
Rəsmlər mayın 1-dən 20-nə kimi qəbul edilir. Mayın 21-dən iyunun 10-na kimi isə səsvermə keçiriləcək.
Skan edilmiş rəsmlər bu elektron ünvana göndərilməlidir: Этот адрес электронной почты защищен от спам-ботов. У вас должен быть включен JavaScript для просмотра. . Göndərilən hər bir rəsmin alt hissəsində müəllifin adı, soyadı, atasının adı, habelə yaşı və əlaqə nömrəsi qeyd edilməlidir. Eyni zamanda rəsmdə “Bank of Baku”nun adı da əks olunmalıdır. Üstəlik onu da qeyd edək ki, müsabiqə zamanı müəyyən edilmiş 12 ən yaxşı rəsm Bank of Baku-nun 2013-cü il üçün korporativ təqviminə daxil ediləcək.
Diqqət: müsabiqə zamanı rəsmi bəyənilərək seçilmiş müəlliflər banka dəvət edilərək öz rəsm qabiliyyətini bir daha isbat etməli olacaqlar. Rəsm çəkilərkən valideynlərin uşaqlara yalnız şifahi tövsiyələri mümkündür.
Nəzərinizə çatdıraq ki, Bank of Baku əməkdaşlarının ailə üzvləri və xaricdə yaşayan şəxslər müsabiqəyə buraxılmır. Müsabiqənin təfsilatları ilə yaxından tanış olmaq üçün Bank of Baku-nun 145 nömrəli Məlumat Mərkəzi ilə əlaqə saxlamaq mümkündür. Bank of Baku istənilən sualı onlayn rejimdə də cavablandırır. Bunun üçün Bank of Baku–nun www.bankofbaku.com və ya sosial şəbəkə səhifəsi - www.facebook.com/bankofbaku.com-a baş çəkmək kifayətdir.