|
|
|
|
Bakıda dahi şair Nəsimiyə həsr olunmuş sərgi açılıb
-
Şriftin ölçüsü
decrease font size
şrift böyüt
- Çap et
Prezident İlham Əliyevin böyük Azərbaycan şairi İmadəddin Nəsiminin 650 illik yubileyini nəzərə alaraq 2019-cu ili ölkəmizdə “Nəsimi ili” elan etməsi münasibətilə ölkənin müxtəlif elmi qurumlarında, mədəniyyət mərkəzlərində, eləcə də AMEA-nın institut və təşkilatlarında Nəsiminin həyat və yaradıcılığına həsr olunmuş silsilə tədbirlər keçirilir, sərgilər təşkil olunur.
AMEA Nizami Gəncəvi adına Milli Azərbaycan Ədəbiyyatı Muzeyində təşkil olunan sərgi də “Nəsimi ili” çərçivəsində nəzərdə tutulan tədbirlərdəndir.
AMEA-dan Trend-ə verilən məlumata görə, sərgidə İmadəddin Nəsimiyə həsr olunmuş, 20-si Azərbaycan, 20-si ingilis dilində olmaqla ümumilikdə 40 lövhə təqdim edilib. Lövhələrdə İ.Nəsiminin 3 dildə yazdığı əsərlərinə orta əsrlərdə çəkilmiş illustrasiyalar, miniatürlər, eləcə də şairin əlyazmalarının surətləri nümayiş olunub.
Həmçinin Ədəbiyyat Muzeyinin İ.Nəsimiyə həsr olunmuş ekspozisiya zalından rəsmlər, böyük şairin 600 illik yubileyi münasibətilə hazırlanmış medalyonların əksi, onun Bakı şəhəri ve muzeyin ekspozisiyasında olan heykəllərinin rəsmi, şeirlərindən parçalar, "Nəsimi" filmindən olan səhnələrə aid fotolar və s. təqdim olunub.
Sərgi çərçivəsində ziyarətçilər İ.Nəsiminin Hələbdə yaşadığı evin divarındakı barelyefin rəsmi ilə də tanış olublar.