KƏNDİMİZ

I variant

Quşlar, quşlar

Nə gözəl oxuyur,

Bəh, bəh, bəh,bəh!

Nə gozəl qoxuyur

Yaşıl, əlvan, sarı, ağ

gül-çiçəklər.

Dağların qarlıdır,

Bağların barlıdır,

Sevirəm mən səni, gözəl kəndimiz!

II variant

Yurdum,yuvam ay əziz kəndimiz

Azad,abad,ay gözəl kəndimiz

Gözəl olur səndə yay,qış,bahar

Gözəl olur səndə yay,qış,bahar

Nəqərat:

Yaşıl meşəli

Ömür nəşəli

Sevirəm səni

Gözəl kəndimiz

Quşlar,quşlar nə gözəl oxuyur

Bəh,bəh,bəh,bəh nə gözəl oxuyur

Yaşıl,əlvan, sarı çiçəkləri

Yaşıl,əlvan,sarı çiçəkləri

Nəqərat:

Qarlı dağların

Barlı bağların

Sevirəm səni

Gözəl kəndimiz

XİZƏK MAHNISI

Çöldə külək əsir, əsir

Soyuq qılınc kimi kəsir.

Quşlar uçur uzaqlara,

Bilinməyir uçur hara.

Aman, odur qar da yağır,

 Necə düşür ağır - ağır...

 Külək daha dayanmışdır,

 İndi daha çöldə qışdır.

 
  Dizə çıxır küçədə qar.

 Xizək sürür şən uşaqlar.

 Anam evdə olsa əgər,

 Oynamağa izn verər.

 
 Gəldi anam işdən evə,

 Məni öpdü sevə - sevə.

 Almış idi mənə xizək

 Çölə qaçdım mən sevincək.

 
  Ay uşaqlar, ay uşaqlar,

 Bax, mənim də xizəyim var.

LAYLAY

Yat gözümün qarası,

Ciyərimin parası.

Laylay, ürəyim laylay,

Arxam, dirəyim laylay!

Göydə bulud sovuşsun,

Kirpiklərin qovuşsun,

Laylay, quzum, a laylay,

İki gözüm, a laylay!

Sən nə şirin balasan,

Görüm yüz il qalasan.

Laylay, baharım, laylay.

Laylay, nübarım, laylay!..