Birinci hissənin sonunda İqor Ştofenmaxer Mansur Vəkilovun “Azərbaycan” şeyrini səsləndirdi. Sonra uşaqlar tamaşaçıların gürultulu alqışları ilə “Yallı” rəqsini ifa etdilər və Müslüm Maqomayevin “Azərbaycan” mahnısı və dalğalanan dövlət bayrağımızın fonunda azsaylı xalqların milli geyimlərində 1-ci hissəni başa vurdular.

İkinci hissədə tamaşaçıya Qofmanın eyniadlı nağılı əsasında “Şelkunçik” tamaşasının premyerası təqdim olundu. Tamaşada Caykovski və digər bəstəkarların musiqisi istifadə olunub. Uşaqlar və böyüklərin reaksiyasından da bəlli idi ki, tamaşa hamının ürəyincə idi və heç kimi biganə qoymamışdır. Bu isə o deməkdir ki, “Günay” Teatr Studiyası yaşayıb yaradır!

Qeyd edək ki, konsertin ssenarisi, quruluşu və musiqi tərtibatı “Günay” Teatr Studiyasının  rəhbəri Larisa Tarusova  tərəfindən həyata keçirilmişdir.