Gecəni giriş sözü ilə Azərbaycan mədəniyyət və turizm naziri Əbülfəz Qarayev açaraq Oqtay Zülfüqarovun Azərbaycan musiqisinə verdiyi tövhələr, o cümlədən uzun illər bədii rəhbər kimi çalışdığı Uşaq Dövlət Filarmoniyasındakı fəaliyyətindən söhbət açıb. Nazir bəstəkara möhkəm can sağlığı, uzun ömür və gələcəkdə 90 yaşını qeyd etməyi arzulayıb. Sonra səhnəyə Üzeyir Hacıbəyov adına Azərbaycan Dövlət Simfonik Orkestri çıxıb və gecə yubilyarın simfonik əsərlərinin ifası ilə davam edib. Sonra səhnəyə üç hissədən ibarət fleyta və orkestr üçün konsertlə Məmmədov çıxıb. Violonçelin vaxtı çatanda səhnəyə Azərbaycanın xalq artisti Eldar İsgəndərov çıxıb və üç hissədən ibarət violonçel və orkestr üçün konsert ifa edib. 

Gecənin ikinci hissəsi Oqtay Zülfüqarovun parlaq və şən mahnılarının ifası ilə davam etdi. Gənc istedadların ifa etdikləri “Oturmuşam tək evdə”, “Dostluq”, “Ana laylası”, “Abşeron bağları”, “Vətən hissi” uşaq mahnıları tamaşacıların alqışlarına səbəb oldu.

Tamaşaçıların qurultulu alqışları ilə keçən bəstəkarın yubiley gecəsi maraqlı və yadda qalan olub.