Azərbaycandakı uşaqlar yaşına uyğun olaraq azı ildə bir dəfə icbari qaydada dispanser müayinədən keçiriləcək. Bu barədə APA-ya açıqlamasında respublikanın baş pediatrı, K.Fərəcova adına Elmi-Tədqiqat Pediatriya İnstitutunun direktoru Nəsib Quliyev deyib. O bildirib ki, bu məsələ prezident İlham Əliyevin təşəbbüsü ilə hazırlanan “Azərbaycan Respublikasında uşaqların icbari dispanserizasiyası” adlı qanun layihəsində öz əksini tapıb. Onun sözlərinə görə, bu qanun layihəsi artıq Milli Məclisdə müzakirədən keçib və yaxın zamanlarda iclasda müzakirə olunaraq qəbul edilməsi nəzərdə tutulur. Bunun ölkə üçün çox vacib bir qanun olduğunu deyən baş pediatr qeyd edib ki, Azərbaycanın qonşu dövlətlərində belə qanun mövcud deyil: “Bu qanuna görə ölkədə 18 yaşına kimi uşaqlar ildə bir dəfədən az olmayaraq icbari dispanser müayinəsindən keçiriləcək.