“Eurovision-2012” mahnı müsabiqəsininTəşkilat Komitəsində rəsmi tərəfdaş olan Heydər Əliyev Fondu sonhazırlıq mərhələsində bütün proseslərdə aktiv iştirak etməklə yanaşı, layihə çərçivəsində daha bir humanistaksiya gerçəkləşdirir.

Fonddan APA-ya verilən məlumata görə, iştirakçı dövlətlərdə “Mən Azərbaycanı kəşf edirəm” mövzusunda inşa müsabiqəsi elan edilib. Azərbaycanı tanımaq, tarixi və zəngin mədəniyyəti ilə daha yaxından tanış olmaq imkanı yaradan müsabiqənin yalnız fiziki qüsurlu uşaq və yeniyetmələr arasında keçirilməsi Heydər Əliyev Fondunun önəm verdiyi humanizm prinsiplərindən irəli gəlib.

Mayın 9-da Xətai rayonundakı 3 saylı uşaq evinin Xəzər rayonunun Buzovna qəsəbəsindəki yay istirahət düşərgəsinin açılışı olub. APA-nın xəbərinə görə, düşərgənin əsaslı təmirdən sonrakı açılışı mərasimində birinci xanım, Heydər Əliyev Fondunun prezidenti Mehriban Əliyeva da iştirak edib.

M. Əliyeva Heydər Əliyev Fondunun “Yeniləşən Azərbaycana yeni məktəb” layihəsi çərçivəsində 2010-cu ildən yenidən qurilmasına başlanılmış düşərgədə yaradılmış şəraitlə tanış olub. Dördmərtəbəli, 120 yerlik düşərgədə uşaqlar üçün istirahət, əyləncə, müxtəlif tədbirlərin keçirilməsi üçün zallar, kompüter otağı, kitabxana, futbol meydançası yaradılıb.

Görkəmli maarif və mədəniyyət xadiminin Mənzil Muzeyi ədibin adını yaşadır 

Muzeylər tarixin müəyyən məqamını özündə yaşadan, ötən əsrlərin müxtəlif hadisələrini əks etdirən eksponatları qoruyan, öyrənən, nümayiş etdirən maddi-mənəvi xəzinədir desək, yanılmarıq.  Bu baxımdan Azərbaycanda mədəni irsin qorunmasında milli muzeylərin fəaliyyətinin genişləndirilməsi,  informasiya texnologilarının geniş şəkildə tətbiqi və istifadəsinin rolu böyük və danılmazdır.

Bəlkə də çoxları bilmir ki, Abdulla Şaiq küçəsi, 21 ünvanında milli ədəbiyyatımıza zəngin bədii irs bəxş edən böyük Azərbaycan klassiki, görkəmli maarif və mədəniyyət xadimi Abdulla Şaiq Talıbzadənin (1881-1959) Mənzil Muzeyi fəaliyyət göstərir. Muzeyin girəcəyində heykəltəraş Natiq Əliyevin yaratdığı Abdulla Şaiqin büstü qoyulmuşdur. 

FOTOQALEREYA

Gürcüstanın Marneuli şəhərindəki Demokratik Məşğulluq Mərkəzində (MDM) uşaq bağçalarının vəziyyəti müzakirə olunub. APA-nın Gürcüstan bürosunun məlumatına görə, tədbirdə Marneuli rayon İcra Hakimiyyətinin rəhbəri Zaza Dekonoidze, məktəbəqədər müəssisələrin direktoru Tofiq Hacıyev, “Qaranquş” Uşaq Mərkəzinin rəhbəri Zemfira Əzizbəyova, MDM-nin təmsilçisi Zaur Darğallı və başqaları çıxış ediblər. 

Tədbirdə qeyd edilib ki, rayon büdcəsindən bağçalara ayrılmış 320 min lari çox azdır. Z. Dekonoidze iştirakçıların suallarını cavablandırarkən deyib ki, uşaq bağçaları üçün sentyabrın 1-dən büdcədən 1 milyon lari vəsait ayrılacaq. Bəzi natiqlər bildiriblər ki, azərbaycanlıların yaşadığı kəndlərdə yeni uşaq bağçalarının tikintisi üçün müvafiq torpaq sahəsi ayrılmalı və tikilən bağçalar Avropa standartlarına uyğun olmalıdır.

Azərbaycan xalqının ümummilli lideri, siyasi xadim Heydər Əliyevin anadan olmasının 89-cu ildönümü münasibətilə Bakıda, ulu öndərin adını daşıyan sarayın qarşısındakı parkda təşkil olunmuş Gül bayramında dövlət başçısı İlham Əliyev və ailə üzvləri iştirak edib.

Heydər Əliyevin əzəmətli abidəsinin ətrafı gül-çiçəyə qərq olmuş, postament ağ güllərlə hörülmüşdür. Prezident İlham Əliyev və ailə üzvləri ulu öndərin abidəsini ziyarət edərək  başdan-başa bahar ətirli güllərə qərq olmuş parkın gözəlliyini seyr ediblər. Müxtəlif güllərdən yığılmış “xalça”lar və türk dünyasının böyük oğlu Heydər Əliyevin tər çiçəklərdən “toxunmuş” portret xalçası orijinallığı ilə göz oxşayıb. Cürbəcür çiçəklərdən yığılmış “89” rəqəminin təsvir olunduğu kompozisiya da diqqəti cəlb edib.

Bu gün Azərbaycan xalqının ümummilli lideri Heydər Əliyevin anadan olmasının 89-cu ildönümüdür

Heydər Əlirza oğlu Əliyev 1923-cü il mayın 10-da Naxçıvan şəhərində anadan olub. Naxçıvan Pedaqoji Texnikumunu bitirdikdən sonra o, 1939-41-ci illərdə Azərbaycan Sənaye İnstitutunun (indiki Azərbaycan Dövlət Neft Akademiyası) memarlıq fakültəsində təhsil alıb. O, əvvəlcə Naxçıvan Xalq Daxili İşlər Komissarlığında və Naxçıvan Xalq Komissarları Sovetində şöbə müdiri, sonra isə dövlət təhlükəsizliyi orqanlarında general rütbəsinədək yüksəlib. 1969-cu ildə Azərbaycan Kommunist Partiyası Mərkəzi Komitəsinin 1-ci katibi, Mərkəzi Komitənin büro üzvü seçilib.