|
|
|
|
ABŞ hökuməti Azərbaycan paytaxtında məcburi köçkün məktəbini təmir edib
-
Şriftin ölçüsü
decrease font size
şrift böyüt
- Çap et
ABŞ-ın Azərbaycandakı səfirliyi və Kaunterpart İcma və Humanitar Yardım üzrə təşkilatı, Bakının Mərdəkan qəsəbəsində yerləşən, Kəlbəcər, Ağdam, Xocalı, Laçın rayonlarından olan aztəminatlı çoxuşaqlı məcburi köçkün ailələrindən olan 147 uşağın təhsil aldığı 14 saylı orta məktəbin təmir olunmuş sinif otaqlarını şagirdlərə təhvil verib. Səfirlikdən APA-ya verilən məlumata görə, bərpa layihəsi ABŞ Dövlət Departamentinin Avrasiya Humanitar Proqramı Fondu tərəfindən maliyyələşdirilib. Məlumata görə, ilk əvvəl məktəbin binası yay düşərgəsi məqsədləri üçün istifadə olunub. Məktəbin binası səkkiz otaqdan ibarətdir, otaqların dördü 1970-ci ildə tikilib. Digər beş otağın təmirə ehtiyacı olduğuna görə istifadəsi çətinlik törədib.
Ümumilikdə beş sinif otağı tam təmir olunub. Məktəb həmçinin lazımı mebellərlə təmin olunub.
Qeyd olunub ki, 1997-ci ildən başlayaraq, ABŞ Dövlət Departamenti tərəfindən maliyyələşdirilmiş İHYP proqramı Azərbaycana ümumi dəyəri $74,684,600 ABŞ dolları məbləğində olan 564 konteyner həcmində, məcburi köçkünləri və qaçqınları, qocaları, əlilləri, çox uşaqlı ailələri, kimsəsiz , ehtiyacı olan uşaqları humanitar yardım ilə təmin edir. Göstərilən humanitar yardımlar ərzaq, paltar, tibb avadanlıqları, ləvazimatlardan, gündəlik qida rasionlarından, çadır, yataq ləvazimatı, mebel əşyalardan ibarət olub və respublikanın 52 rayonunda yaşayan milyondan çox insanlara paylanılıb.