İyunun 4-də Azərbaycan Dövlət Akademik Musiqili Teatrında ELS Müstəqil Araşdırmalar Mərkəzi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə “Mədəni-mənəvi irsimizin qorunması və təbliğinə ictimai dəstəyin təşkili” layihəsi çərçivəsində Azərbaycanın Xalq artisti, bəstəkar Oqtay Zülfüqarovun uşaq mahnılarından ibarət qala-konsertin keçiriləcəyini deyən İ.Yaqubova bəstəkarla bir sıra layihələrdə əməkdaşlıqdan, yeni layihənin mahiyyətindən və görülən işlərdən danışıb. Uşaq musiqi kollektivlərinin ifasında bəstəkarın 90 illiyinə onun mahnılarını yeni aranjemanda təqdim edən layihə rəhbərilə söhbət “Səhərçağı” Musiqi-informasiya proqramının tamaşaçılarına xoş əhval-ruhiyyə bəxş edib.