Mixail Qorbaçov başda olmaqla sovet imperiyasının rəhbərliyinin törətdiyi soyqırımda 137 nəfər öldürüldü, 700-dək yaralandı və itkin düşdü, 800-dən çox adam qanunsuz həbs edildi. 1990-cı ilin yanvar qırğını nə qədər faciəli olsa da, Azərbaycan xalqının iradəsini, milli azadlıq və müstəqillik uğrunda mübarizə əzmini qıra bilmədi. Həmin gecə həlak olan vətən oğulları Azərbaycanın tarixinə parlaq səhifə yazdılar, xalqın milli azadlığı, müstəqilliyi üçün yol açdılar.

Bakının ən yüksək nöqtələrindən birində hər bir azərbaycanlı üçün müqəddəs and yerinə çevrilmiş bir ziyarətgah var. Bu, 20 Yanvar qurbanlarının və Ermənistanın hərbi təcavüzünə qarşı döyüşlərdə həlak olanların dəfn edildiyi Şəhidlər Xiyabanıdır. Hər il yanvarın 20-də minlərlə insan Vətənin azadlığı və suverenliyi uğrunda canlarından keçmiş Azərbaycan oğul və qızlarının əziz xatirəsini ehtiramla yad etmək üçün buranı ziyarət edir. Vətən oğullarının xatirəsi əbədi olaraq Azərbaycan xalqının ürəyində və ürəklərdə əbədi yaşayacaqdır.