Qeyd edək ki, tamaşa real həyatdan götürülmüş hadisələr üzərində qurulub və əsasən bir qrup tələbə ətrafında cərəyan edir. Belə ki, atası tərəfindən atılmış Nicat problemlərini unutmaq üçün narkotika aludəçisi olan dostu Dumanın məsləhəti ilə narkotikadan istifadə etməyə başlayır. Getdikcə Nicatın vəziyyəti ağırlaşır və onun narkoman olduğunu öyrənən anası infarkt keçirir. Universitetdə təlimçi tərəfindən narkomaniya və QİÇS haqqında maarifləndirilən tələbələr spiddən analiz verməyi qərara alırlar. Analizin cavabları Nicatın QİÇS xəstəliyinə yoluxduğunu üzə çıxarır.
Tamaşa yeniyetmələr və böyüklər üçün nəzərdə tutulub və 1 saat 15 dəqiqə davam edir.